Jamie Roberts yn mynd yn ôl i’r byd meddygol ar ôl graddio saith mlynedd yn ôl

Diweddarwyd  

Jamie Roberts

Llun: Comin Wicimedia

Mae’r chwaraewr rygbi, Jamie Roberts, wedi dod adref o Dde Affrica ac wedi gwirfoddoli i helpu’r Gwasanaeth Iechyd i ymladd y coronafeirws.

Fe dderbyniodd Jamie Roberts ei radd meddygol yn 2013 ym Mhrifysgol Caerdydd, ond ers hynny mae wedi bod yn chwarae rygbi rhyngwladol ac, yn fwy diweddar, i’r Stormers yn Ne Affrica.

“Fe ddalion ni’r awyren olaf allan o Dde Affrica ar ôl iddyn nhw fynd mewn i lockdown yno” meddai.

Eglurodd na fydd yn ymwneud â’r broses feddygol ond yn hytrach yn gwirfoddoli ac yn dod yn rhan o’r tîm arloesi.

“Rydw i wedi bod yn eistedd ar y radd feddygol yma ers peth amser a ro’n i’n meddwl pam ddim ceisio helpu yma yng Nghaerdydd?” meddai Jamie Roberts.

“Mae gan y Gwasanaeth Iechyd lawer o gyfleon i weithiwyr medrus a gweithwyr di-grefft i gynnig eu gwasanaeth ac mae’n nhw’n dal i recriwtio ac mae hynny’n neges bwysig i’w chyfleu.”

“Fy rôl i ydi cefnogi pobl ble alla i ac mi fydda i siŵr o fod yn gwneud ychydig o waith cyfathrebu yn y pen draw er mwyn helpu i hyrwyddo’r holl waith da mae pobl yn ei wneud.”

Iechyd

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn