Gorymdaith Gŵyl Ddewi ‘unigryw’ yn Aberystwyth

Diweddarwyd am  


Bydd y Parêd Gŵyl Dewi cyntaf yn cael ei gynnal ar strydoedd Aberystwyth ar ddydd Gwener, 1 Mawrth.

Bwriad yr orymdaith yw cael digwyddiad arbennig er mwyn dathlu diwylliant Cymraeg mewn ffordd wahanol, a chreu digwyddiad na ellir ei chael yn unman arall, yn ol y trefnwyr.

Bydd perfformwyr amrywiol yn cymryd rhan, gan gynnwys Côr Meibion Aberystwyth, y pibydd Ceri Rhys Matthews, a’r grŵp gwerin, Radwm.

Yn arwain y Parêd gyntaf yma fydd Dr Meredydd Evans, braint sy’n cael ei roi i ddiolch am ei gyfraniad at gerddoriaeth, iaith a diwylliant Cymraeg ers 70 mlynedd.  Mae Merêd wedi bod yn rhan bwysig o gerddoriaeth werin Cymraeg, ac mae’n aelod nodedig o Gymdeithas yr Iaith.

Bydd Tywysydd newydd yn cael ei ddewis bob blwyddyn, er mwyn dathlu a diolch am gyfraniad bobol leol at ddiwylliant Cymru.

“Bydd y Parêd yn ddathliad o’n nawddsant, yr iaith Gymraeg a diwylliant unigryw Cymru. Bydd yn ffordd o ddangos i’r dre ein bod yn dathlu Dewi ac yma o hyd,” meddai Siôn Jobbins, Cadeirydd Parêd Gŵyl Dewi Aberystwyth.

“Digwyddiad arbennig ac unigryw i Gymru yw hwn – nid rhywbeth generic. Mae ganddom ni’n caneuon, mae ganddom ni’n hofferynnau a’n drymiau ac rydym am i bobl weld a mwynhau diwylliant unigryw nid diwylliant neu orymdaith gellir ei gweld mewn unrhyw dref arall ym Mhrydain,” meddai.

Yn dilyn yr orymdaith i lawr y Stryd Fawr ac ar Stryd y Popty, bydd seremoni yn Llys y Brenin.  Bydd y seremoni dan arweiniad y cyflwynydd a’r awdur Lyn Ebenezer, a fydd yn arwain y dorf mewn llw Gŵyl Ddewi cyn mwynhau rhagor o berfformiadau.

Bydd yr orymdaith yn dechrau wrth Gloc y Dref yn Aberystwyth, am 1pm ar 1 Mawrth.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed