Cyhoeddi Tywysydd Parêd Gŵyl Dewi Aberystwyth 2015

 


Gerald Morgan
Mae trefnwyr Parêd Gŵyl Dewi Aberystwyth wedi cyhoeddi mai’r awdur, y cyn-brifathro a’r darlithydd Gerald Morgan sydd wedi ei ddewis i arwain gorymdaith 2015.

Mae tywysydd wedi cael ei ddewis i arwain Pared Gŵyl Dewi bob blwyddyn ers ei sefydlu yn 2013 – fel arwydd o ddiolch a gwerthfawrogiad cymuned Aberystwyth i berson lleol sydd wedi gwneud cyfraniad i iaith a diwylliant Cymru.

Bydd Gerald Morgan yn dilyn ôl traed Megan a Gwilym Tudur, sylfaenwyr Siop y Pethe, a’r Dr Meredydd Evans.

Fel Tywysydd bydd yn gwisgo sash a grëwyd yn unswydd i’r Parêd gan Caroline Goodband o’r Borth ac sy’n cynnwys enwau cyn-dywyswyr. Yn dilyn y traddodiad o Wlad y Basg, bydd hefyd yn cael rhodd i’w gadw o ffon gerdded wedi ei gerfio gan Hywel Evans o Gapel Dewi.

Ganed Gerald Morgan yn Brighton yn 1935 i rieni o Gymru. Graddiodd mewn Saesneg o Gaergrawnt ac mewn Astudiaethau Celtaidd o Rydychen gan symud i fyw i Gymru yn 1962.

“Mae cryfder ac amrywiaeth y Gymraeg yn Aberystwyth oherwydd pobol fel Gerald Morgan,” meddai Siôn Jobbins, Cadeirydd Parêd Gŵyl Dewi.

“Gellid yn hawdd fod wedi ‘colli’ Gerald i Gymru ond gwyddai ers yn blentyn mai Cymro ydoedd ac yn ddyn ifanc penderfynodd fod gan Gymru a’r Gymraeg lawer i’w gynnig iddo. Gwn fod ganddo yntau lawer iawn i’w gyfrannu i Gymru a’i hiaith hefyd.”

‘Syfrdan’

Ychwanegodd Gerald Morgan: “Cefais fy syfrdanu a’m cyffroi o gael cynnig yr anrhydedd hon. Mae’n fraint cael dilyn yn ôl traed Merêd a Gwilym a Megan sydd wedi gwneud cymaint dros Gymru a’n hiaith.”

Cynhelir Parêd 2015 ar ddydd Sadwrn, 28 Chwefror, i ddechrau o Gloc y Dre.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed