Gêm gyfrifiadurol ryngwladol ar gael yn y Gymraeg

Diweddarwyd  
Word Tango

Word Tango

Llun: Smiling Cube Studios

Mae’r gêm gyfrifiadurol ‘Word Tango’ ar gael yn y Gymraeg erbyn hyn, diolch i gwmni o’r Iseldiroedd.

Mae Smiling Cube Studios wedi cyhoeddi fersiwn newydd o’r gêm mewn wyth iaith – gan gynnwys y Gymraeg a’r Gernyweg.

Mae hi ar gael ar yr iPhone, iPad ac Android.

Nod y gêm yw llenwi bylchau i gwblhau geiriau er mwyn symud ymlaen i’r lefel nesaf. Does dim terfyn amser er mwyn cwblhau lefelau, ac mae nifer amhenodol o lefelau ar gael.

Un o brif amcanion y cwmni wrth greu gemau yw helpu i wella sgiliau iaith chwaraewyr.

Cefnogi ieithoedd

Ac mae’r cwmni’n dweud eu bod nhw’n cefnogi’r gallu i ddefnyddio nifer o ieithoedd wrth chwarae gemau cyfrifiadurol.

“Dim ond yn rhai o brif ieithoedd y byd y mae modd chwarae llawer o gemau sy’n seiliedig ar bosau, ond mae nifer o bobol yn siarad ieithoedd gwahanol.

“Rydym yn credu bod yn well gan bobol chwarae yn eu hiaith eu hunain. Ein nod yw cefnogi dros 100 o ieithoedd bach a mawr yn 2019.”

Mae Word Tango ar gael mewn wyth iaith – Saesneg, Cymraeg, Cernyweg, Daneg, Ffaröeg, Islandeg, Iseldireg a Ffrisaidd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019