Cyhoeddi cymorth yn dilyn llifogydd Storm Dennis

 
Trefynwy

Afon Gwy, Trefynwy

Llun: Cyfoeth Naturiol Cymru

Mae Mark Drakeford, prif weinidog Cymru, wedi cyhoeddi rhwng £5m a £10m o gymorth i gymunedau sydd wedi’u heffeithio gan lifogydd a difrod yn sgil Storm Dennis.

Fe ddaw wrth i gyflenwad dŵr Sir Fynwy gael ei effeithio ar ôl i Storm Dennis daro’r gwaith trin dŵr yno.

Er mwyn ymateb i’r diffyg dŵr, mae Dŵr Cymru yn gofyn i bobol Sir Fynwy leihau eu defnydd o ddŵr ac mae ganddyn nhw stoc o boteli os yw’r ardal yn rhedeg allan.

Roedd yn rhaid i bobol ffoi o’u tai neithiwr (nos Lun, Chwefror 17), ac fe wnaeth lefelau dŵr gyrraedd 7.15 metr (23 troedfedd) erbyn bore dydd Mawrth (Chwefror 18).

Dyw staff Dŵr Cymru ddim wedi gallu cyrraedd y gwaith trin dŵr oherwydd y llifogydd.

Dywed y cwmni fod y gwaith trin dŵr wedi gorlifo a cholli pŵer.

“Er ein bod wedi rhoi mesurau yn eu lle, mae’r safle wedi gorlifo a does dim pŵer yno,” meddai llefarydd.

“Rydym yn gofyn i gwsmeriaid yn ardal Sir Fynwy i leihau eu defnydd o ddŵr yn y cyfamser.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones