Mark Drakeford eisiau rhoi enw dwyieithog ar y Cynulliad

 

Mark Drakeford

Bydd Prif Weinidog Cymru’n arwain gorymdaith Pride Cymru yng Nghaerdydd

Bydd gweinidogion Llywodraeth Cymru yn cael ei chwipio i gefnogi cynnig sy’n ceisio sicrhau mai enw dwyieithog fydd gan y Cynulliad pan fydd yn cael ei ail enwi.

Mae disgwyl  i Aelodau Cynulliad fwrw eu pleidlais ar y mater yr wythnos hon (dydd Mercher, Hydref 9).

Mewn cynhadledd i’r wasg neithiwr, cadarnhaodd Mark Drakeford ei fod yn cefnogi gwelliant y cyn-Brif Weinidog, Carwyn Jones, i’r ‘Bil Senedd ac Etholiadau (Cymru]’.

Mae’r gwelliant hwnnw yn cynnig newid enw’r Cynulliad i ‘Senedd Cymru’ yn Gymraeg, a ‘Welsh Parliament’ yn Saesneg.

Dau enw oherwydd ‘rhesymau cyfreithiol’

Mae Mark Drakeford o’r farn mai’r enw Cymraeg – ‘Senedd’ – fydd yn cael ei ddefnyddio “yn gyffredinol” gan bobol, ond mae hefyd yn dadlau bod angen yr enw Saesneg am resymau cyfreithiol.

“Dw i, yn bersonol, bob tro yn defnyddio’r term ‘Senedd’ a dw i’n siŵr, yn gyffredinol, dyna beth fydd pobol yng Nghymru yn ei wneud,” meddai.

“[Ond] mae dadl wahanol rhwng beth sy’n rhaid i ni ei roi ar bapur, a beth, yn fy marn i, sy’n mynd i gael ei ddefnyddio bob dydd.”

Er y bydd gweinidogion Llywodraeth Cymru yn cael eu hannog i gefnogi gwelliant Carwyn Jones, bydd Aelodau Cynulliad Cynulliad Llafur ar y meinciau cefn yn cael “pleidlais rydd”, ychwanegodd Mark Drakeford.

Newid ei farn

Tan y gynhadledd i’r wasg neithiwr, bu ansicrwydd ynglŷn â pha un a fyddai Mark Drakeford yn galw ar Aelodau Cynulliad Llafur i gefnogi cadw’r enw uniaith Gymraeg ai peidio.

Dywedodd wrth wefan Nation.Cymru ym mis Tachwedd y llynedd – cyn dod yn Brif Weinidog Cymru – ei fod yn ffafrio enw Cymraeg yn unig.

“Pe bai’n rhaid i mi ddewis, byddai’n rhaid i mi fynd am Senedd [yn Gymraeg yn unig] oherwydd dw i’n awyddus i ddatblygu ein sefydliad mewn ffordd sydd ddim yn ddibynnol ar fodelau eraill sydd eisoes yn bodoli,” meddai Mark Drakeford.

Mae Plaid Cymru a Llywydd y Cynulliad, Elin Jones, o blaid enw uniaith Gymraeg, tra bo Andrew RT Davies o’r Ceidwadwyr Cymreig yn llafar o blaid enw dwyieithog.

 

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer