Beirniadu Llywodraeth am wrthod gwersi Cymraeg am ddim i ffoaduriaid

Diweddarwyd am  

Llun: Llywelyn2000 CC SA 4.0 trwy Gomin Wicimedia

Mae Gweinidog y Gymraeg, Eluned Morgan, wedi cael ei beirniadu’n hallt gan ymgyrchwyr iaith wedi iddi wrthod darparu gwersi Cymraeg rhad ac am ddim i ffoaduriaid.

Ar hyn o bryd, mae hawl gan ffoaduriaid a cheiswyr lloches dderbyn gwersi Saesneg yn rhad ac am ddim, ond dyw’r un cynnig ddim ar gael ar gyfer gwersi Cymraeg.

Mewn ymateb i lythyr oddi wrth Gymdeithas yr Iaith, dywed Eluned Morgan: “Nid ydym am i’r drefn [o ffioedd am wersi Cymraeg] wahaniaethu rhwng unrhyw grwpiau penodol o ddysgwyr.”

Yn ôl Cymdeithas yr Iaith, mae Eluned Morgan hefyd yn gwrthod eu syniad o lunio polisi ar gyfer estyn yr iaith at fudwyr.

“Camwahaniaethu”

“Rydym yn hynod siomedig bod y Gweinidog wedi gwneud datganiad adweithiol sy’n cyfrannu at allgau rhai grwpiau o’r Gymraeg, tra ei bod yn honni ei bod yn trin pawb yr un peth,” meddai Tamsin Davies o Gymdeithas yr Iaith.

“Mae’r polisi presennol sy’n caniatáu codi ffi ar geiswyr lloches i ddysgu Cymraeg yn camwahaniaethu yn eu herbyn nhw.

Ychwanega: “Mae cynllun clodwiw y Llywodraeth i wneud Cymru’n ‘Genedl Noddfa’ yn nodi y bydd y Llywodraeth yn ‘Sicrhau bod ffoaduriaid a cheiswyr lloches yn cael eu cynnwys mewn cyfleoedd i ddysgu Cymraeg’.

“Mae gwersi Saesneg ar gyfer y grwpiau yma am ddim, felly does dim amheuaeth na ddylai gwersi Cymraeg fod am ddim hefyd.”

Gwleidyddiaeth

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer