“Roedd pawb yn meddwl yn uchel ohono fe”

 
Denzil Davies gydag Aelod Seneddol ac Aelod Cynulliad presennol Llanelli

Denzil Davies gydag Aelod Seneddol ac Aelod Cynulliad presennol Llanelli

Perthynas dda gyda’i etholwyr oedd cyfrinach Denzil Davies wrth iddo ddal ei afael yn sedd Llanelli am 35 blynedd.

Dyna farn yr Arglwydd John Morris, hoelen wyth y Blaid Lafur yng Nghymru a fu ei hun yn Aelod Seneddol ar Aberafan am 41 blynedd a hanner yn ddi-dor.

Mae’r Arglwydd yn galw’r diweddar Aelod Seneddol Llafur yn “fachgen Sir Gâr yn hollol”, ac yn ei ganmol am lwyddo i gadw ar delerau da â phobol Llanelli.

“Rydych chi’n gorfod gweithio arno fe,” meddai am berthynas AS â’i etholwyr wrth golwg360. “Dyw e ddim yn disgyn fel afal o goeden. Mae’n rhaid i chi weithio arno fe. Mae’n rhaid i chi gadw cysylltiad agos â’r etholaeth.

“Er bod y mwyafrifoedd [o’ch plaid] yn enfawr, dyw’r gwaith ddim yn llai. A dw i’n siŵr bod Denzil wedi gwneud yr un peth [a finnau] ac wedi cadw ei barch.

“Roedd pawb yn meddwl yn uchel ohono fe.”

“Disglair iawn”

Roedd Denzil Davies yn ysgrifennydd preifat (parliamentary private secretary) i John Morris pan oedd yntau yn Ysgrifennydd Gwladol Cymru yn yr 1970au.

A phan ddaeth swydd Gweinidog y Trysorlys yn wag, aeth John Morris ati i argymell enw ei gyd-Gymro am y rôl – cafodd Denzil Davies ei benodi yn fuan wedi hynny.

O edrych yn ôl ar yrfa ei gyn-ysgrifennydd preifat, mae John Morris yn cyfleu rhywfaint o dristwch am nad oedd e wedi esgyn yn uwch.

“Mi roedd e’n ysgrifennydd preifat disglair iawn,” meddai. “Roedd ei fysedd ar y delyn bob amser. Roedd e’n fachgen o allu mawr, ac yn anffodus wnaeth ei yrfa ddim datblygu.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed