Dyn o “alluoedd mawr” gyda “golwg global”

Diweddarwyd am  

Roedd y diweddar Denzil Davies yn ddyn o “alluoedd mawr” gyda “golwg global” ar bethau, yn ôl hen gyfaill iddo.

Mae’r Arglwydd Elystan Morgan yn dweud y bu yntau â chyn-Aelod Seneddol Llanelli yn gyfeillion “agos” am ddegawdau, ac mae’n edrych yn ôl yn ffafriol ar eu gyrfaoedd yn y Blaid Lafur.

Mae’n dweud bod Denzil Davies wedi “ennill clod mawr i’w hun yn ysgolhaig” yn ystod ei gyfnod yn fyfyriwr yn Rhydychen, ac roedd y gallu yna yn amlwg trwy gydol ei yrfa’n wleidydd, meddai.

“Dw i’n cofio edmygu ei allu meddyliol ef. Roedd e’n ddyn o alluoedd mawr iawn,” meddai wrth golwg360. “Doedd dim amheuaeth am ei ddisgleirdeb ef.

“Roedd yn ddyn oedd yn amlwg gyda reserve o allu. Roeddech chi byth yn teimlo ei fod yn cyrraedd ei derfynau o gwbl.”

“Safonau uchel”

Yn ystod yr 1980au mi ymddiswyddodd Denzil Davies o gabinet cysgodol Neil Kinnock, arweinydd Llafur ar y pryd, fel protest yn erbyn y ffordd yr oedd y blaid yn cael ei harwain.

Er bod Elystan Morgan yn cydnabod bod Denzil Davies yn “gwisgo ei galon ar lawes ei got”, mae’n gwadu mai angerdd oedd yn tanio’r fath benderfyniadau.

Yn hytrach, roedd cyn-Aelod Seneddol Llanelli yn ddyn o “safonau uchel iawn”, meddai, ac mi oedd yn fodlon brwydro tros rheiny.

“Dim ond safonau o uchelder o berffeithrwydd oedd yn dderbyniol iddo ef,” meddai. “Fydden i ddim yn ei alw’n ddyn ffroen uchel o gwbl. Roedd yn ddyn o safonau arbennig.

“Ac yn tueddu barnu’r byd o’r safonau uchel hynny.”

Golwg global

Doedd Denzil Davies ddim yn cefnogi datganoli a sicrhau rhagor o bwerau i Gymru, ac mae Elystan Morgan yn cydnabod hynny.

Ym marn yr Arglwydd, mae’n ddigon posib mai ei ffocws ar wleidyddiaeth ryngwladol – nid gwleidyddiaeth lefel y genedl – oedd yn gyfrifol am hynny.

“Dw i methu dweud ei fod yn genedlaetholwr Cymreig yr un fath â rhai ohonom ni,” meddai. “Neu, os oedd e, roedd e wedi cadw ei genedlaetholdeb Cymreig ‘dan y blanced’ fel petai.

“Ond, golwg global ar bethau oedd ganddo fe. Golwg byd eang.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed