“Mae unrhyw beth yn bosib” ag Adam Price wrth y llyw

Diweddarwyd am  

Cynog Dafis

Llun: Plaid Cymru ar Flickr

Mae un o hoelion wyth Plaid Cymru yn disgwyl gweld newid trywydd gan Blaid Cymru gydag Adam Price wrth y llyw.

Yn ôl Cynog Dafis, cyn-Aelod Seneddol Ceredigion ac un o gefnogwyr mwyaf brwd Adam Price, gallwn ddisgwyl cryn newid i’r drefn dan yr arweinydd newydd.

“Dw i’n credu gallwn ddisgwyl trywydd newydd, ond trywydd sy’n unol â thraddodiad Plaid Cymru,” meddai wrth golwg360.

“Achos mae Adam wedi’u drwytho yn nhraddodiad gorau Plaid Cymru, a hefyd yn hanes Cymru. Hen hanes Cymru a hanes diweddar Cymru. Mae’n hynod o debyg mewn lawer ystyr, i Gwynfor [Evans].”

Mae’n ategu bod Adam Price yn “arweinydd o ddoniau gwleidyddol cwbl anghyffredin” a bod “unrhyw beth yn bosib” ag ef wrth y llyw.

Leanne Wood

Wrth edrych yn ôl ar gyfnod Leanne Wood yn arweinydd, mae Cynog Dafis yn canmol Aelod Cynulliad Rhondda am ei chyfraniad i’r blaid.

“Dw i’n edrych yn ôl ar gyfnod Leanne mewn termau positif. Mi gyflawnodd pethau pwysig yn nhermau newid delwedd Plaid Cymru,” meddai.

“Ac wrth gwrs, nid ar chwarae bach oedd llwyddo i ennill y Rhondda yn etholiad y Cynulliad. Felly mae cyfraniad Leanne wedi bod yn gadarnhaol iawn.

“Ond roedd angen newid. Roedd angen hwb newydd, a chyfeiriad newydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed