Dwyfor Meirionnydd: pryderon nad oes ymgeisydd ar gyfer 2021

Diweddarwyd  
Dafydd Elis-Thomas ar gefndir gwyn

Mae Dafydd Elis-Thomas yn Aelod Cynulliad Dwyfor Meirionnydd ers ugain mlynedd

Llun: Cynulliad Cenedlaethol Cymru CC2.0

Mae nifer o aelodau Plaid Cymru Dwyfor Meirionydd yn “teimlo’n gryf” y dylen nhw fwrw ati i benodi ymgeisydd yn lle Dafydd Elis-Thomas ar gyfer etholiad 2021 yn fuan – er ei bod hi’n debygol y bydd yn rhaid iddyn nhw aros am fwy na blwyddyn cyn cael caniatad gan y swyddfa ganolog i fwrw ymlaen â’r broses.

Yn y “dyddiau a fu”, fe fyddai’r etholaeth wedi medru dechrau’r broses pryd bynnag y mynnent, meddai ysgrifennydd pwyllgor y rhanbarth, Gwerfyl Jones, wrth golwg36o. Ond bellach, Pwyllgor Gwaith Plaid Cymru sydd yn penderfynu pryd mae’r broses yn digwydd.

Mae golwg360 yn deall bod nifer o aelodau yn credu y dylai’r broses ddechrau eleni, a bod cangen Llanuwchllyn eisoes wedi ysgrifennu at y pwyllgor rhanbarth yn gofyn am “symud ymlaen ynghynt”.

Merched yn unig?

Dyw hi ddim yn glir eto chwaith p’un ai fydd yn rhaid i etholaeth Dwyfor Meirionnydd ddewis ymgeisydd o restr merched yn unig – penderfyniad arall y bydd y blaid yn ganolog yn ei wneud ar eu rhan.

Gyda’r mater hwnnw wedi achosi ffraeo mewnol yn etholaeth Llanelli cyn ac wedi etholiad 2016 – ffrae sydd wedi arwain at wahardd cangen Plaid Cymru Tref Llanelli dros dro – mae hynny hefyd yn chwarae ar feddyliau ymgyrchwyr Dwyfor Meirionnydd.

“Does dim proses [eto] achos mae allan o’n dwylo ni,” meddai Gwerfyl Jones.

“Y Pwyllgor Gwaith yn ganolog sy’n gosod yr amserlen, ac rydan ni jest yn gorfod derbyn mai dyna’r drefn.

“Mae’n deg dweud bod gwahaniaeth barn ar y pwyllgor ar y mater. A dyna pam bod ni wedi gofyn i’r canghennau ymgynghori efo aelodau, i weld beth ydi eu barn nhw.”

Y broses ddethol

  • Yr etholaeth sy’n dewis yr ymgeisydd trwy gynadleddau dewis;
  • Un aelod, un bleidlais yw’r broses arferol;
  • Mae gwahoddiad i bob aelod yn yr etholaeth fod yn rhan o’r cynhadleddau dethol.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019