Ymddiheuro am gysylltu tân yn Lerpwl â thrychineb Hillsborough

 
Blodau wrth gofeb i'r 96

Bu farw 96 o gefnogwyr pêl-droed Lerpwl yn stadiwm Hillsborough yn Sheffield ar Ebrill 15, 1989

Mae un o gwnstabliaid Heddlu Northumbria wedi ymddiheuro am gyhoeddi neges ar wefan Twitter yn cysylltu’r tân diweddar mewn maes parcio yn Lerpwl gyda thrychineb Hillsborough yn 1989.

Derbyniodd yr heddlu nifer o gwynion ar ôl i Curtis Ritchie drydar y neges, “Ydyn nhw wedi dechrau beio’r heddlu eto?”

Roedd y neges yn cyfeirio at yr honiadau – sydd bellach wedi’u profi i fod yn ddi-sail – mai cefnogwyr tîm pêl-droed Lerpwl oedd yn gyfrifol am drychineb yn stadiwm Hillsborough yn Sheffield a laddodd 96 o bobol, ond eu bod wedi beio’r heddlu.

Yn y tân ym maes parcio’r Echo Arena yn Lerpwl nos Galan, fe gafodd hyd at 1,600 o geir eu dinistrio, ac mae disgwyl i gostau yswiriant yn sgil y digwyddiad fod yn uwch na £20m.

Mewn un neges yn ymateb i’r sylwadau, gofynnodd yr awdur, “A wnewch chi ofyn i PC Curtis Ritchie (8873) i ymhelaethu i bobol Lerpwl ar ei sylwadau diweddar, ac yn enwedig i deuluoedd y 96?”

Nid yw’r cwnstabl dan sylw wedi’i enwi’n swyddogol gan yr heddlu, ond yn ôl llefarydd, mae wedi ymddiheuro ac yn derbyg nad oedd y sylwadau’n “dderbyniol”.

Mae’r llefarydd yn dweud fod y cwnstabl hefyd “wedi derbyn cyngor” yn sgil ei sylwadau.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed