Syr Nick Clegg? Adroddiadau am farchog dadleuol i’r Rhyddfrydwyr

Diweddarwyd am  

Fe allai cyn-arweinydd y Democratiaid Rhyddfrydol, Nick Clegg, fod ymhlith y rhai fydd yn cael eu hurddo ar restr Anrhydeddau’r Flwyddyn Newydd.

Yn ôl adroddiadau, fe fydd Nick Clegg yn dod yn farchog, a hynny er mwyn cydnabod ei wasaaneth yn Ddirprwy Brif Weinidog yn llywodraeth glymblaid Geidwadol-Ryddfrydol dan David Cameron.

Ond fe fyddai’n benderfyniad dadleuol, gan fod Nick Clegg yn gefnogwr mawr yr ymgyrch i aros yn Ewrop yn refferendwm 2016, ac mae wedi bod yn feirniad agored o Brexit.

Ers colli sedd Sheffield Hallam yn etholiad cyffredinol eleni, mae wedi codi gwrychyn y rheiny sydd am weld y Deyrnas Unedig yn gadael yr Undeb Ewropeaidd, nid lleiaf trwy gyhoeddi ei gyfrol, How To Stop Brexit (And Make Britain Great Again).

Pe bai’r adroddiadau’n wir, Nick Clegg fyddai’r diweddaraf o resaid o Ddemocratiaid Rhyddfrydol i gael eu hurddo – yn dilyn arweinydd presennol y blaid, Syr Vince Cable, ynghyd â’r cyn-Ysgrifennydd Ynni, Syr Ed Davey.

Mae hyn yn ddadleuol, gan mai dim ond 12 o Aelodau Seneddol sydd ganddyn nhw yn Nhy’r Arglwyddi.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones