Wyn Roberts wedi marw

 


Wyn Roberts (Llun y Ceidwadwyr)
Mae’r gwleidydd Torïaidd sy’n cael y clod am ddatblygiadau pwysig ym maes yr iaith wedi marw.

Fe ddaeth y newyddion fod yr Arlgwydd Roberts o Gonwy – Wyn Roberts gynt – wedi marw neithiwr.

Roedd yn is-weinidog yn y Swyddfa Gymreig trwy gyfnod Margaret Thatcher ond chafodd e erioed ei wneud yn Ysgrifennydd Cymru.

Roedd yn allweddol wrth basio Deddf yr Iaith Gymraeg yn 1993 a phasio’r ddeddf i sicrhau fod pob disgybl ysgol uwchradd yn gwneud Cymraeg hyd at TGAU.

Ei yrfa

Roedd Wyn Roberts yn fab i weinidog o Sir Fôn a aeth i Ysgol Harrow ac wedyn i Oxbridge.

Fe ddaeth i’r amlwg gynta’ yn ohebydd cynta’r sianel deledu Gymreig TWW, yn aml yn gwneud adroddiadau pryfoclyd a doniol.

Fe ddaeth yn bennaeth rhaglenni yn TWW cyn i’r cwmni ddod i ben ac fe aeth yntau wedyn yn ymgeisydd i’r Ceidwadwyr, gan gipio Conwy i’r Ceidwadwyr yn 1970 a dal y sedd tan 1997.

Bryd hynny yr aeth i Dŷ’r Arglwyddi. Roedd wedi cael ei wneud yn farchog yn 1990.

Yr Ysgrifennydd na fu

Heddiw fe ddywedodd Ysgrifennydd Cymru, David Jones, ei fod yn methu â deall pam nad oedd Wyn Roberts wedi cael y swydd ei hun.

Tua diwedd ei yrfa, roedd cyfres o wleidyddion o Loegr wedi eu penodi i’r swydd, gan gynnwys John Redwood.

Roedd Wyn Roberts wedi bod yn llefarydd ar Gymru pan oedd y Ceidwadwyr yn yr wrthblaid rhwng 1974 ac 1979.

“Roedd ganddo ymennydd  ardderchog,” meddai David Jones ar Radio Wales. “Roedd yn wleidydd cyfrwys, a dw i’n defnyddio’r term i roi clod iddo.

“Alla’ i ddim deall pam na chafodd ei wneud yn Ysgrifennydd Cymru.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn