Penodi Eurig Salisbury yn fardd preswyl Heddlu Dyfed-Powys

Diweddarwyd  

Eurig Salisbury

Mae bardd o Geredigion wedi cael ei benodi’n fardd preswyl cyntaf Heddlu Dyfed-Powys, a hynny er mwyn nodi 50 mlynedd ers i’r llu gael ei sefydlu.

Fe gafodd Heddlu Dyfed-Powys ei sefydlu yn 1968, ac er mwyn dathlu’r garreg filltir hon eleni, mae’r llu wedi comisiynu’r bardd a’r Prif Lenor, Eurig Salisbury, i sgrifennu cerddi dathlu ar gyfer y flwyddyn sydd i ddod.

Er nad yw’r digwyddiadau a fydd yn dathlu’r pen-blwydd wedi’u cadarnhau eto, mae Prif Gwnstabl Heddlu Dyfed-Powys, Mark Collins, yn dweud ei fod yn “edrych ymlaen” i glywed cerddi gan y bardd yn ystod y “flwyddyn hanesyddol” nesaf.

“Cyfle cyffrous”

Yn ôl y bardd ei hun wedyn, mae’n credu bod y cyfle hwn yn “beth gwych” i farddoniaeth, ac mae’n gweld ei rôl newydd fel ymestyniad i’r elfen gymdeithasol sy’n perthyn i farddoniaeth Gymraeg.

“Dw i’n credu ei fod e’n beth gwych i farddoniaeth,” meddai wrth golwg360, “oherwydd bod e’n dangos bod barddoniaeth yn gallu mynd i bob man, ac yn gallu cael ei defnyddio ar gyfer pob math o achlysuron.”

“Dw i’n meddwl ei fod yn beth da hefyd i’r Gymraeg hefyd… Mae’n dod â sylwi i farddoniaeth ac i’r Gymraeg, gan ddangos pa mor bwysig yw’r Gymraeg i’r cymunedau, a hefyd pa mor bwysig yw’r Gymraeg i’r heddlu.”

Pontio’r gymuned a’r heddlu

Wrth edrych ymlaen am y flwyddyn ei hun, dyw Eurig Salisbury “ddim yn siŵr” pa drywydd y mae am ei ddilyn, heblaw am y ffaith ei fod am geisio creu “pont” rhwng y gymuned a’r heddlu.

“Dw i’n gweld hwn fel pontio, bron, rhwng dau beth, sef rhwng yr heddlu a’r gymuned,” meddai eto. “Ond nid bo nhw’n ddau beth cwbwl ar wahân, beth bynnag – maen nhw’n rhan o’i gilydd.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed