Creu cyfleoedd Cymraeg trwy ynni adnewyddol

Llywarch ap Myrddin
Mae swyddog newydd wedi ei benodi i brosiect sy’n creu cyfleoedd i siaradwyr Cymraeg yn y sector ynni yng ngogledd Cymru.

Llywarch ap Myrddin o Gapel Garmon yw swyddog newydd cynllun EgNi sy’n cydweithio â chymunedau i’w helpu i weithredu cynlluniau ynni bach.

Y nod yw creu Asiantaeth Egni Gwyrdd fel bod arbenigedd cyfrwng Cymraeg yn y maes.

“Rydan ni wedi bod yn rhedeg cynlluniau hyfforddi awyr agored a chynllun cyfieithu cymunedol yn llwyddiannus ac yn gweld cyfle arall i roi troedle economaidd i’r Gymraeg gyda prosiect EgNi,” meddai Meirion Davies, cyfarwyddwr datblygu Menter Iaith Conwy, sydd wedi sefydlu EgNi mewn partneriaeth gyda Pharc Cenedlaethol Eryri a Chyngor Conwy.

Gobaith y fenter yw creu prosiectau ynni a fydd yn eu tro yn creu swyddi i gadw pobol ifanc Gymraeg yn yr ardal.

7 sylw

DC 2 Chwefror 2013, 20:52

Enghraifft o’r math o beth y gallai’r Mentrau Iaith ei wneud a’i ddatblygu ymhellach o gael bod yn Fentrau Iaith a Gwaith – fel mae Cymdeithas yr Iaith am i Garwyn Jones eu gwneud nhw.

Dafydd 4 Chwefror 2013, 23:16

“Gobaith y fenter yw creu prosiectau ynni a fydd yn eu tro yn creu swyddi i gadw pobol ifanc Gymraeg yn yr ardal”

Pob lwc iddynt ond pwy fath o swyddi fydd y rhain? Nid yw ffermydd gwynt yn cyflogi fawr neb. Nid yw ffermydd solar yn cyflogi fawr neb. Gwithio trydan o ddwr yn llifo? Dwi ddim yn gweld hynna yn creu llawer. Hoffwn i fod yn anghywir yn enwedig os bydd yn rhoi troedle economaidd i’r Gymraeg. Efallai gall rhywun yma fy narbwyllo fel arall? Neu efallai taw’r rhai sy’n gweithio i’r asiantaeth newydd fydd yn cyfri am y swyddi newydd yma. Ond nid yw hynna’n swnio’n dda iawn. Mae e wedyn fel ferswin gwyrdd o’r corff ‘Menter a Busnes’ oedd werth dim ac yn dosbarthu gwahanol ffurflenni Saesneg roeddynt wedi argraffu o’r we i’r rhai oedd eisiau dechrau busnes.

Iwan Rhys 5 Chwefror 2013, 13:48

Dafydd: “Nid yw ffermydd gwynt yn cyflogi fawr neb.”

Rwy’n cofio darllen adroddiad, ryw flwyddyn neu ddwy yn ôl, ar astudiaeth i fudd economaidd ffermydd gwynt yn lleol. Roedd yr astudiaeth yn edrych ar sampl o ryw 10 fferm wynt ledled Prydain, o’r mwyaf i’r lleiaf. Un o’r casgliadau oedd bod pob tyrbin, ar gyfartaledd, yn creu budd economaidd lleol cyfwerth â rhywbeth fel 2.3 swydd amser llawn. Felly byddai fferm wynt o 10 tyrbin yn creu budd economaidd lleol cyfwerth â 23 swydd amser llawn.

Paid â gofyn am ddolen i’r adroddiad, achos does gen i ddim syniad ble wnes i ei weld!

Dafydd 5 Chwefror 2013, 16:47

Iwan,
Rwy’n gobeithio fod hynny’n wir ond dwi’n methu gweld sut fod “pob tyrbin, ar gyfartaledd, yn creu budd economaidd lleol cyfwerth â rhywbeth fel 2.3 swydd amser llawn”? Os nad yw nhw’n cyfeirio at yr arian mae’r tir-feddianwr yn ei gael yn lleol am adael i’r tyrbin fod ar ei dir. Ond nid wyf i’n credu eu bod yn cael gymaint ag hynny y tyrbin. Swnio fel propoganda i fi rwy’n ofni.

Cwm Rhyd Chwados 5 Chwefror 2013, 17:10

Iwan – dyma ddolen sy’n dadansoddi yr astudiaeth (gafodd ei chynnal yn 2011) yr oeddet yn cyfeirio ati.
http://www.independent.co.uk/environment/green-living/wind-farms-have-major-economic-benefit-7718663.html

Fel ti’n dweud, mae’r diwydiant yn cynnal 2.7 swydd ar gyfartaledd am bob tyrbin ar y tir; yn ystod yr astudiaeth, roedd yna 3,176 tyrbin ar y tir ledled gwledydd prydain yn cynnal 8,600 o swyddi.

John Griffith 7 Chwefror 2013, 18:12

Cynlluniau ynni bach sydd fan hyn. Rhaid cyfaddef i mi ochri gyda Dafydd; ni welaf i ddyfodol yma. Gan obeithio fy mod yn anghywir. Diddorol buasai cael adroddiad ymhen tua chwe mis: beth amdani Golwg 360?

Llywarch 12 Chwefror 2013, 09:50

Bydd y prosiect yn cynnig ffordd i gymunedau/ffermwyr greu incwm ychwanegol drwy arallgyfeirio. Neu i unigolion yn y maes, mae’r swydd EgNi yn esiapl o hyn. Byddai hyn yn cryfhau’r economi lleol, gan leihau yr all-lifiad o fobl ifanc Cymraeg. Bydd y prosiect yn dechrau ffwrdd ar raddfa fach, gan dyfu dros gyfnod y swydd ac ymaith.

Mae llawer o esiamplau yn lleol yn Nyffryn Conwy ble mae meibion ffermydd yn gadel eu hardal genedigol gan nad oes digon o gyflaeon am swyddi’n lleol. Drwy greu prosiectau ynni gwyrdd ar eu tir byddai’n bosib cadw meibion adref ar y fferm, gan bod incwm ychwanegol yn dod mewn i’r fferm.

Credwn o bosib yn yr hir dymor efo cynlluniau mwy buasau modd creu ychydig o swyddi a neud Menter Iaith Conwy yn fwy cynaladwy yn arianol.

Mae hefyd yn fwriad yn yr hir dymor i sefydlu asiantaeth (masnachol o bosib) efo arbenigaeth yn y maes fydd yn gallu cynnig hyfforddiant a cyngor drwy’r Gymraeg.

Rhai swyddi/prosiectau gelli’r eu creu–
• Prosiect ynni adnewyddol cymunedol (e.e. hydro, solar, tyrbin gwynt fach)
• Prosiectau arbed ynni cymunedol.(e.e. biomas, solar, ffynhonell gwresogi daear, insiwleiddio, paneli solar gwresogi thermol, tyrbin gwynt fach)
• Gwaith i gontractwyr/arbennigwyr lleol, drwy adeiladu/osod prosiectau ynni gwyrdd.
• Cynydd yn y gofyn am systemau biomas = rhywun lleol i gynhyrchu’r sglodion pren a’i gwerthu fel tanwydd biomas.
• Swyddogion dichonolrwydd prosiectau ynni adnewyddol.
• Hyfforddiant drwy’r Gymraeg, yn cynnig cymwusterau ynni adnewyddol lleol.

Mae’r sylwadau wedi cau.

Creu cyfleoedd Cymraeg trwy ynni adnewyddol

Penodi swyddog i brosiect EgNi

Poblogaidd

Swyddi

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

Rheolwr Aelodaeth

Peiriannydd

Seicolegydd Addysg Cyfrwng Cymraeg

Cydlynydd Corfforaeth Undeb Bedyddwyr Cymru

Prif Swyddog Cyfieithu

Swyddog Datblygu

Swyddog Ymchwiliadau

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Mwy o fusnesau yn mynd i’r wal

Hefyd →

Y cyfnod gwlyb yn “straen ychwanegol dros gyfnod prysuraf y flwyddyn i ffermwyr”

7 sylw