AS yn beirniadu nyrsys am y gofal a gafodd ei diweddar ŵr

Diweddarwyd am  


Ann Clwyd
Mae Aelod Seneddol Cwm Cynon, Ann  Clwyd, wedi disgrifio sut yr oedd ei diweddar ŵr wedi cael ei drin gydag “oerni, dicter a difaterwch” gan nyrsys yn yr ysbyty.

Dywedodd Ann Clwyd ei bod wedi cyrraedd y ward yn Ysbyty Athrofaol Cymru yng Nghaerdydd ac wedi darganfod ei gwr, Owen Roberts, yn gorwedd mewn gwely, a oedd yn rhy fach iddo, yn oer ac yn ofidus, a doedd dim nyrsys o gwmpas i’w helpu.

Oriau’n ddiweddarach, bu farw o niwmonia.

“Roedd fy ngŵr wedi marw fel iâr fatri,” meddai’r AS wrth raglen BBC Radio 4 The World at One.

“Ni ddylai unrhyw un orfod marw o dan yr amgylchiadau y bu farw fy ngŵr i,” meddai.

Dywedodd Ann  Clwyd ei bod yn tynnu sylw at y mater fel na fyddai eraill yn gorfod dioddef yn yr un ffordd.

“Mae achosion fel hyn yn llawer rhy gyffredin,” meddai.

Mewn datganiad, dywedodd cyfarwyddwr nyrsio’r ysbyty, Ruth Walker, eu bod yn cydymdeimlo’n ddwys ac wedi cynnig cwrdd ag Ann Clwyd i drafod y mater fel bod ymchwiliad ffurfiol yn cael ei gynnal. Ychwanegodd eu bod yn ystyried materion o’r fath yn “ddifrifol iawn.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed