April Jones: Tywysog William yn canmol timau achub mynydd

Diweddarwyd am  


April Jones
Mae Tywysog William wedi ysgrifennu at dimau achub mynydd sydd wedi bod yn chwilio am y ferch 5 oed April Jones ym Machynlleth.

Yn ei lythyr, roedd y Tywysog, sy’n beilot gyda’r Awyrlu yn y Fali, Ynys Môn, wedi canmol y gwirfoddolwyr am eu “dyfalbarhad a’u gwaith caled” wrth chwilio am April, yn ôl adroddiad gan BBC Cymru.

Fe ddiflannodd April Jones ger ei chartref  ym Machynlleth ar 1 Hydref ac mae’r chwilio amdani yn parhau.

Ychwanegodd y Tywysog yn ei lythyr bod achosion fel un April “yn ein hatgoffa o’r hyn mae timau achub mynydd yn ei wneud yn ddyddiol.”

“Rwy’n gwybod eich bod wedi gwneud popeth yn eich gallu i ddod o hyd iddi,” meddai.

Dywedodd Dion Jones, o Ddim Achub Mynydd Aberglaslyn,  wrth y BBC bod y llythyr yn cael ei werthfawrogi.

Mae Mark Bridger, 46, wedi ei gyhuddo o gipio a llofruddio April Jones, ac fe fydd yn mynd gerbron llys ym mis Ionawr.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones