Dioddefwr trais rhywiol yn enwi Tori blaenllaw

Diweddarwyd am  


Cartref Plant Bryn Estyn
Mae dyn gafodd ei gam-drin yn rhywiol pan oedd yn byw yn un o gartrefi plant gogledd Cymru yn yr 1970au a’r 1980au wedi enwi gwleidydd Ceidwadol blaenllaw ar y pryd fel un o’r rhai a ymosododd arno.

Mewn cyfweliad ar Newsnight neithiwr, dywedodd Steven Messham fod y gwleidydd wedi ei gam-drin o leiaf ddwsin o weithiau.

Ni chafodd, fodd bynnag, enwi’r gwleidydd ar y rhaglen.

Roedd cyn-Aelod Seneddol Caer a oedd yn ysgrifennydd seneddol i Margaret Thatcher, Syr Peter Morrison, sydd wedi marw, eisoes wedi cael ei enwi – ond mae’r un y cyfeiriodd Steven Messham yn dal yn fyw.

Cadarnhau honiadau

Mae’r hyn a ddywed y dioddefwr yn cadarnhau honiadau gan Rod Richards, y cyn-weinidog yn y Swyddfa Gymreig, yr wythnos diwethaf fod Peter Morrison a’r Tori anhysbys yn ymwelwyr cyson â chartrefi plant Bryn Estyn a Bryn Alun yng ngogledd-ddwyrain Cymru.

Roedd y ddau gartref yn rhan o dribiwnlys ymchwil o dan arweiniad y diweddar gyn-farnwr Syr Ronald Waterhouse i honiadau o gamdrin hyd at 650 o blant mewn 40 o gartrefi yn ystod y nawdegau.

Dywedodd Steven Messham iddo gyflwyno tystiolaeth i’r tribiwnlyws hwnnw, ond iddo gael ei rybuddio ymlaen llaw na fyddai’n cael enwi’r Tori.

Mae’n gofyn am gyfarfod gyda’r Prif Weinidog David Cameron, ac yn galw am ymchwiliad o’r newydd i’r anfadwaith ffiaidd a ddigwyddodd yn y cyfnod hwnnw.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed