Cynllun i godi gwesty 100 ystafell ar gyrion Caerfyrddin

Diweddarwyd  


Neuadd Sir Caerfyrddin
Fe fyddai gwesty 100 ystafell ar gyrion Caerfyrddin yn creu 120 o swyddi, yn ôl llefarydd ar ran y cwmni sy’n gobeithio ei adeiladu.

Yr wythnos yma gwerthodd Llywodraeth y Cynulliad safle 7.5 acr ym Mharc Pensarn i gwmni Gryphon Leisure Ltd.

Mae cyfarwyddwyr y cwmni, Angela Saunders a’i brawd Barry Saunders, eisoes yn berchen ar Westy Parc y Stradey yn Llanelli.

Y gobaith yw y bydd y gwesty pedair seren newydd yn denu buddsoddiad o £12 miliwn ac yn hwb i’r economi lleol. Does dim caniatâd cynllunio wedi ei roi eto.

Mae’r cwmni yn gobeithio y bydd 60 ystafell yn agor erbyn haf 2013 a 40 arall yn agor y flwyddyn wedyn.

Mae’r cynlluniau yn cynnwys ystafell fyddai’n dal 450 o bobol ar gyfer cyfarfodydd busnes, a sba iechyd.

Fe fydd y cynlluniau gan y penseiri David Owen and Partners o Gaerdydd yn mynd o flaen adran gynllunio’r cyngor sir yn yr hydref.

Buddsoddiad lleol

Dywedodd Angela Saunders bod y cwmni yn gobeithio cyflogi cymaint o bobol leol a phosib.

“Rydyn ni’n credu y bydd ein cynlluniau o fudd economaidd sylweddol i’r ardal,” meddai.

“Ein polisi yw cyflogi pobol leol a chymaint o weithwyr llawn amser a phosib. Fe fydd 120 o swyddi yn cael eu creu yn y gwesty.”

Dywedodd y Gweinidog datblygu economaidd, Ieuan Wyn Jones, fod y cynllun busnes yn galonogol.

“Fe fydd arian o’r gwerthiant yn cael ei fuddsoddi mewn gwasanaethau band-eang a fydd o gymorth i fusnesau ledled Cymru,” meddai.

“Mae yn galonogol clywed bod busnes yn cynllunio ar gyfer twf economaidd yn y dyfodol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones