Dim poen ariannol ar ben y ddannodd

Diweddarwyd  



Ni fydd yna unrhyw newid i ffioedd deintyddol y Gwasanaeth Iechyd Gwladol yng Nghymru am y pumed flwyddyn yn olynol, cyhoeddwyd heddiw.

Bydd diagnosis yn costio £12 a thriniaeth yn costio £39. Bydd darparu offer yn costio £117.

Cyhoeddodd y Gweinidog dros Iechyd, Edwina Hart, mai’r gobaith yw sicrhau y gall cymaint â phosibl o bobl fanteisio ar wasanaethau deintyddol y gwasanaeth iechyd.

Cafodd lefel bresennol y ffioedd deintyddol yng Nghymru ei phennu ym mis Ebrill 2006 a bydd y ffioedd yn parhau ar y lefel honno ar gyfer 2011/12.

“Trwy beidio â chynyddu ffioedd deintyddol yng Nghymru am y bumed flwyddyn yn olynol rydym yn parhau i sicrhau y gall pobl Cymru fanteisio ar wasanaethau deintyddol y GIG,” meddai Edwina Hart.

“Mae’r ffioedd yn parhau’n fforddiadwy, ac mae’r buddsoddiad ychwanegol sylweddol gennym ni yn golygu fod mwy a mwy o bobl yn gallu manteisio ar wasanaethau deintyddol cyffredinol.

“Eto i gyd, gwn ei bod yn anodd o hyd i fanteisio ar wasanaethau deintyddol mewn rhai rhannau o Gymru.

“Mae rhai o’r gwelliannau mwyaf wedi’u cyflawni o fewn yr ardaloedd lle yr arferai fod yn anodd manteisio ar ofal deintyddol o dan y Gwasanaeth Iechyd Gwladol

“Er enghraifft, o fewn ardal Bwrdd Iechyd Lleol Hywel Dda mae dros 40,000 yn fwy o bobl bellach yn derbyn gofal deintyddol o dan y Gwasanaeth Iechyd Gwladol nag oedd ym mis Mawrth 2006 ac mae bron i 10,000 yn fwy o bobl yn eu derbyn ym Mhowys.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones