Cau Ysgol y Parc: Beirniadu ymgynghoriad

Diweddarwyd  


Protest yn erbyn cau Ysgol y Parc (Llun o wefan Cymdeithas yr Iaith)
Mae ymgyrchwyr wedi cyhuddo Cyngor Gwynedd o anwybyddu ymatebion i ymgynghoriad cyn penderfynu cau ysgol ger y Bala.

Dydd Iau fe fydd Pwyllgor Craffu Addysg y cyngor yn ystyried a ddylid cau Ysgol y Parc ym mis Medi 2012.

Daeth ymgynghoriad statudol yn dilyn arymhelliad i gau yr ysgol i ben ar 4 Chwefror.

Ond dywedodd Cymdeithas yr Iaith eu bod nhw’n credu fod swyddogion wedi cyfansoddi’r adroddiad cyn diwedd y cyfnod ymgynghori.

“Derbyniwyd degau o ymatebion i ddogfen ymgynghorol y Cyngor am ddyfodol Ysgol y Parc, gan gynnwys ymateb manwl gan Gymdeithas yr Iaith a redodd i rai miloedd o eiriau,” meddai Ffred Ffransis, llefarydd y Gymdeithas ar addysg.

“Ydyn ni i fod i gredu fod y swyddogion wedi llwyddo o fewn 10 niwrnod o waith i ddadansoddi’r holl ymatebion, gwerthuso’r holl syniadau a godwyd, trafod eu casgliadau a sgrifennu adroddiad 138 o dudalennau?

“Mae’n amlwg fod y casgliad wedi’i wneud, a’r rhan fwyaf o’r adroddiad wedi’i sgrifennu, ymhell cyn diwedd y cyfnod ymgynghori. Beth yw diben ymgynghoriad o’r fath?”

‘Tanseilio’

Ychwanegodd fod y ffaith nad oedd yr adroddiad yn cyfeirio at y ddau brif wrthwynebiad a gododd Cymdeithas yr Iaith yn brawf nad oedd yr ymatebion wedi eu hastudio’n fanwl gan y swyddogion.

Roedd y Gymdeithas wedi cyflwyno papur manwl yn manylu ar eu gwrthwynebiad rai dyddiau’n unig cyn diwedd yr ymgynghoriad, meddai.

“Os na all cymuned 90% Cymraeg yn Y Parc – sydd ag ysgol a chanolfan gymunedol integreiddiedig – argyhoeddi Cyngor Gwynedd o werth yr ysgol, ni bydd unrhyw cymuned arall yn gallu llwyddo,” meddai Ffred Ffransis.

“Ni byddai cau’r ysgol yn newid iaith y stafell ddosbarth, ond dylai aelodau’r Pwyllgor Craffu fod yn ymwybodol eu bod yn pleidleisio dros gynnig i danseilio un o gymunedau gwledig Cymraeg cryfaf y sir.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones