BAFTA Cymru: Patagonia yn arwain y gwobrau

Diweddarwyd am  


Lowri Morgan
Y ffilm fer Patagonia oedd enillydd mawr noson wobrau BAFTA Cymru neithiwr.

Enillodd Marc Evans wobr y cyfarwyddwr ffuglen gorau, Mali Evans am olygu’r ffuglen, Jo Evans am wneud colur a gwallt ar gyfer y rhaglen, a Simon Fraser am y sain.

Cafodd enwebiad hefyd ar gyfer y Ffilm Nodwedd neu Deledu orau.

Y rhaglen amlwg arall ar y noson oedd Ras yn Erbyn Amser, a fu’n dilyn hynt a helynt yr athletwraig Lowri Morgan wrth iddi hyfforddi.

Enillodd hithau wobr y cyflwynydd gorau ar gyfer y rhaglen a chafodd y rhaglen ei henwi’n gyfres ffeithiol orau’r flwyddyn, ac enillodd enwebiadau am y ffotograffiaeth orau a’r golygu ffeithiol gorau.

Y rhaglen gerddoriaeth Gymraeg, Bandit a enillodd y wobr yn y categori Cerddoriaeth ac Adloniant.

Cafodd gwobrau cyfraniad arbennig eu cyflwyno i’r actor Robert Pugh a John Hefin.

Derbyniodd Robert Pugh Wobr Siân Phillips, tra bod John Hefin wedi derbyn Gwobr Cyfraniad Arbennig am ei gyfraniad i fyd y ddrama deledu.

Cafodd y noson ei chynnal yng Nghanolfan y Mileniwm yng Nghaerdydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Straeon poblogaidd