Mae gyrrwr moped 17 oed yn parhau mewn cyflwr difrifol yn yr ysbyty yn dilyn gwrthdrawiad gyda char yn Llanelli ar 23 Awst.
Roedd moped Jay Roper o ardal Llanelli mewn gwrthdrawiad â char Renault Clio tu allan i Dŷ Elwyn yn y dref am 3.20yh ar ddydd Iau, 23 Awst.
Cafodd Jay Roper ei gludo i Ysbyty’r Heath yng Nghaerdydd mewn ambiwlans awyr.
Dywed Heddlu Dyfed Powys bod eu hymchwiliadau’n parhau ac maen nhw’n apelio am dystion i’r digwyddiad.
Dylai unrhyw un sydd â gwybodaeth ffonio’r heddlu ar 101.
