Cyhoeddi newidiadau i wasanaethau cymdeithasol Cymru

Diweddarwyd  


Adroddiad Pearson - Carwyn Jones, Gwenda Thomas, Geoffrey Pearson
Mae Llywodraeth y Cynulliad wedi cyhoeddi cynlluniau “radical” heddiw i ddiwygio’r drefn wasanaethau cymdeithasol yng Nghymru.

Mae adroddiad Gwasanaethau Cymdeithasol Cynaliadwy i Gymru: Fframwaith Gweithredu yn amlinellu cynlluniau’r llywodraeth ar gyfer gwasanaethau cymdeithasol Cymru dros y ddegawd nesaf.

Dywedodd Dirprwy Weinidog y Gwasanaethau Cymdeithasol, Gwenda Thomas, fod “gwasanaethau cymdeithasol safonol yn hanfodol i lwyddiant Cymru”.

Mae’r cynlluniau yn cynnwys cyflwyno system o asesiadau trosglwyddadwy, fel nad oes angen ail asesu’r angen am ofal cymdeithasol i oedolion pan maen nhw’n symud.

Mae Llywodraeth y Cynulliad hefyd yn bwriadu sefydlu Asiantaeth Mabwysiadu Genedlaethol yn y gobaith y bydd rhagor o bobol yn mabwysiadu plant.

Mae’r cynllun hefyd yn argymell rhagor o gydweithio rhwng adrannau gwasanaethau cymdeithasol y 22 cyngor sir yng Nghymru.

“Mae angen i ni ganolbwyntio ar beth sydd wir yn bwysig er mwyn sicrhau fod pawb yn cyd-weithio ac yn gweithio mewn ffordd fwy effeithlon,” meddai Gwenda Thomas.

Daw’r adroddiad yn dilyn argymhellion a wnaed gan gomisiwn annibynnol y llynedd, dan arweiniad Geoffrey Pearson.

Roedd hwnnw’n galw am greu un system o asesu anghenion pobol trwy Gymru gyfan, ar ôl gweld bod amrywiaethau mawr rhwng safonau mewn gwahanol rannau o’r wlad.

Roedd hefyd eisiau i bobol allu mynd â’u hasesiad gyda nhw o le i le, heb orfod mynd trwy’r broses eto os oedden nhw’n symud.

Ymateb

Dywedodd llefarydd iechyd yr wrthblaid, yr Aelod Cynulliad Nick Ramsay, nad oedd yn cytuno gyda rhai rhannau o’r cynllun.

“Rydw i’n croesawu egwyddorion craidd y newidiadau sy’n cael eu hamlinellu, ond mae’r penderfyniad i dorri £5m o Wasanaethau Cymdeithasol y Plant a £3m o’r Strategaeth Gwasanaethau Cymdeithasol yn mynd yn groes i ddibenion gweddill y cynllun.

“Dyw hi ddim yn amlwg sut y maen nhw’n gobeithio cyflawni bwriad y cynllun o ystyried eu blaenoriaethau cyllidebol.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones