Dyfodol Clwb Pêl-droed Llanelli yn y fantol

 


Andy Legg
Mae cais i ddirwyn CPD Llanelli i ben wedi’i gyflwyno yn yr Uchel Lys gan Gomisiynwyr Cyllid a Thollau Ei Mawrhydi.

Bydd y cais yn mynd gerbron y Llysoedd Cyfiawnder Brenhinol yn Llundain ar 3 Medi.

Mae sawl adroddiad wedi honni fod problemau ariannol wedi bod yn Llanelli ers peth amser.

Ond mae gweinyddwr y clwb, David Jones, wedi dweud wrth BBC Cymru ei fod wedi derbyn galwad gan gadeirydd y clwb, Nitin Parekn, yn dweud y byddai’r mater wedi ei ddatrys “ymhen 48 awr”.

Proffesiynol

Llanelli, sy’n cael ei rheoli gan gyn-amddiffynnwr Cymru Andy Legg, yw un o glybiau mwyaf llwyddiannus Uwchgynghrair Cymru yn y blynyddoedd diwethaf.

Aeth y clwb yn broffesiynol yn nhymor 2005/06, a’r llynedd, fe enillodd y cochion gwpan Cymru.

Fe ddechreuon nhw’r tymor newydd gyda buddugoliaeth oddi cartref yn erbyn Port Talbot ddydd Sadwrn diwethaf.

Castell-Nedd

Y tymor diwethaf, fe wynebodd Castell-Nedd ddwy cais tebyg, gyda’r ail yn rhoi’r clwb allan o fusnes.

Fe ddaeth y clwb i ben ym mis Mai eleni am nad oedden nhw wedi llwyddo i hawlio trwydded UEFA na thrwydded Cymdeithas Bêl-droed Cymru.

Roedd yr Eryrod yn cynnwys nifer o sêr fel Lee Trundle, Kai Edwards a Chris Jones, yn ogystal â’r hyfforddwr, Kristian O’Leary.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed