Ceidwadwr dylanwadol yn galw am Ysgrifennydd Cymru ‘100% Cymreig’

 


Stephen Crabb - Ysgrifennydd nesaf Cymru?
Mae Ceidwadwr dylanwadol yn Lloegr yn galw am benodi Aelod Seneddol o Gymru yn Ysgrifennydd Gwladol Cymru.

Mae sibrydion y bydd Cheryl Gillan, a aned yng Nghaerdydd ond sy’n cynrychioli Chesham ac Amersham, yn colli ei swydd pan fydd David Cameron yn ad-drefnu ei gabinet ym mis Medi.

Yn ôl Tim Montgomerie o wefan Conservative Home dylai’r Ceidwadwyr “barhau i ffynnu” yng Nghymru a phenodi “Ysgrifennydd Cymru sy’n 100% Cymreig.”

Mae nifer yn disgwyl i Aelod Seneddol Basingstoke, Maria Miller, gael ei dyrchafu o’r Adran Gwaith a Phensiynau i swydd yn y Cabinet. Cafodd hi ei magu ym Mhenybont-ar-Ogwr ond dywed Tim Montgomerie y byddai ei phenodi hi yn Ysgrifennydd Cymru yn “fistêc” ac y byddai’n well penodi rhywun sy’n  “rhydd o’r ymyrraeth o orfod cynrychioli etholaeth yn Lloegr.”

Nicholas Edwards oedd yr Ysgrifennydd Gwladol Ceidwadol diwethaf i gynrychioli etholaeth Gymreig, yn yr 1980au, a dywed Tim Montgomerie mai ei ffefryn ef yw un arall sy’n cynrychioli Sir Benfro – Stephen Crabb o Breseli Penfro.

Enwau posib eraill i gael y swydd petai adrefnu yw Jonathan Evans, AS Gogledd Caerdydd, a  David Jones, AS Gorllewin Clwyd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Perthynas gymhleth Cymru a Lerpwl