Jamie Bevan: 35 diwrnod o garchar

Jamie Bevan
Cafodd aelod o Gymdeithas yr Iaith ei ddedfrydu i 35 diwrnod yn y carchar gan ynadon Merthyr Tudful y bore yma am wrthod talu dirwy.

Roedd Jamie Bevan sy’n dod o Ferthyr ac sy’n dad i bedwar o blant, wedi gwrthod talu dirwy ar ôl torri i mewn i swyddfa etholaeth yr Aelod Seneddol Ceidwadol Jonathan Evans yng Nghaerdydd a phaentio sloganau fel protest yn erbyn newidiadau i’r modd mae S4C yn cael ei chyllido.

Dywedodd ei fod am ddefnyddio’r achos i dynnu sylw at ohebiaeth uniaith Saesneg a dderbyniodd gan y llysoedd.

Dylai siaradwr Cymraeg gael y cyfle i gael gwrandawiad cwbl Gymraeg mewn llys meddai, gan fod siaradwyr Cymraeg “dan anfantais enfawr” wrth gyfathrebu gydag ynadon neu farnwr trwy gyfrwng cyfieithydd.

Cafodd Cadeirydd Cymdeithas yr Iaith, Bethan Williams ei hanfon o’r llys am dorri ar draws y gwrandawiad.

Daw’r achos ddiwrnod ar ôl i un o’r ymgyrchwyr iaith a ysbrydolodd sefydlu Cymdeithas yr Iaith farw ddoe yn 91 oed. Talodd Jamie Bevan deyrnged i Eileen Beasley yn ystod yr achos.

Mae’n debygol y bydd Jamie Bevan yn treulio’i gyfnod dan glo yng ngharchar Caerdydd.

45 sylw

Hedd Gwynfor 13 Awst 2012, 12:17

Diolch yn fawr am dy aberth dros yr iaith Jamie.

Colin Nosworthy 13 Awst 2012, 14:09

Ie, diolch i ti Jamie.

Danial 13 Awst 2012, 14:11

Ia Jamie, Diolch am sod all

Dafydd 13 Awst 2012, 14:21

Parch…..

Ifor Williams 13 Awst 2012, 14:25

Dim ond 35 diwirnod gyda good behaviour bydd e mas toc – pity na fydde fe wedi mynd am achos o flaen rheithgor – Merthyr sydd a conviction rate isa’r Ynysoedd hyn ! Tre o crooks !

irfon 13 Awst 2012, 14:30

Mae’r rheola yn hollol syml
Torri mewn i swyddfa= carchar
Gwrthod talu dirwy= carchar.
Mae o’n digwydd i fandals bob dydd, bob blwyddyn mewn llysoedd ar draws Prydain gyfan. A’r tristwch ydi fod nifer fawr o’r pena bach yma yn meddwl fod o, neu hi, yn arwr.

Ifor Williams 13 Awst 2012, 14:34

Does dim angen poeni gormod amdano fe bydd merched Welsh Nash Aberystwyth & Bangor yn taflu eu hunain ato fe – edrychwch ar Ffred Francis – he did rather well – roedd ac ma ei wraig e’n gwneud i Twiggy edrych yn salw and he’s no adonis !

Dafydd 13 Awst 2012, 14:40

Yn wir, nid yw cweit yr un peth a gwnaeth John Jenkins neu nifer o aelodau’r IRA ac fel ti’n dweud Ifor……mae yna ’dividends’ ond wedi dweud hynny…..rhaid ymestyn iddo barch am ei safiad……

Heledd 13 Awst 2012, 15:05

parch mawr i ti Jamie am dy safiad dewr, meddwl amdanat ti a dy deulu yn ystod y cyfnod yma. Diolch yn fawr i ti am wneud hyn drostom ni

Ceri 13 Awst 2012, 15:11

Irfon – os chi’n mynnu sarhau aelodau’r Gymdeithas, da chi dysgwch sillafu eich sarhad yn gywir; dwy ‘n’ sydd i gael yn ‘penau bach’ a chyda llaw un ‘t’ sydd i gael yn ‘prat’ a ‘twat’ ichi gael eu sillafu nhw’n gywir ar eich ‘curriculum vitae’.

Kelly Williams 13 Awst 2012, 15:41

Bydd Jamie Bevan byth yn arwr i mi, nac unrhyw aelod arall o Cymdeithas, ond dwi’n deall pam mae o wedi neud be wnaeth o. Be sy’n bwysig cofio yn fan hyn ydi bod y system yn caniatau i bethau fel hyn ddigwydd. S4C, yr unig sianel Gymraeg yn y byd, a hwnnw dan fygythiad dan y pwerau. Be ma bobl yn fod i neud? Eistedd yn ol a derbyn pethau? Mae angen pobl fel Jamie Bevan yn y byd i gicio’r tresi. Fydd o allan mewn llai na mis beth bynnag.

Jon Tomos 13 Awst 2012, 15:44

Bydd Jamie Bevan wastad yn arwr i mi.

Guto 13 Awst 2012, 16:13

Os ydi Irfon yn dwat, beth felly ydi Danial?

irfon 13 Awst 2012, 16:37

Braf dadlau gyda bobol mor ddeallus. Mae gen bawb hawl i fod yn ’nash’ a sgen i ddim problam hefo safbwyntiau gwleidyddol sy’n wahanol i rai fy hun. Mae gan bawb hawl i ddewis eu harwyr. Tydi hwn ddim yn arwr i mi. A Ceri, os dwi angen cymorth gyda fy CV mi fyddai’n siwr o fod mewn cysylltiad.

Ceri 13 Awst 2012, 16:43

Re Danial:

Sarhad eithaf gwantan Danial os caf i ddweud.

Efallai bydd y llyfr hwn o ddiddordeb ichwi:

Crefft y Sarhad.
(Shwt mae galw cont yn gont)
Cyhoeddiadau Barddas 1853

ISBN 376-0-0076123-5.

irfon 13 Awst 2012, 16:52

Ia, wel at Danial o’n i’n cyfeirio hefyd yn bennaf.

Adam Jones 13 Awst 2012, 16:58

Irfon, Nid bod yn ’nash’ yw gwneud safiad dros hawliau dynol unigolion i ddefnyddio’u hiaith.

Hawdd i bob un ohonoch anghofio’r safiad wnaeth aelodau o’r Gymdeithas dros y blynyddoedd, ond tro nesa i chi diwnio mewn i Radio Cymru neu S4C, neu ddarllen arwyddion Cymraeg, neu lenwi ffurflen Cymraeg i mewn, neu ateb y ffôn i gorff cyhoeddus yn y Gymraeg, neu anfon eich plant i ysgol Gymraeg, neu ddarllen Golwg360, yr union wefan yma, neu defnyddio’r twll yn y wal yn Gymraeg, da chi i gofio mai safiad unigolion o’r Gymdeithas a’r ymgyrchoedd a’r protestiadau wnaeth sicrhau hyn.

Pwyntio bys at bawb y bo, ond cyn farnu beth am edrych ar y darlun llawn? Os mai ‘vandal’ yw Jamie Bevan, wel mae’n vandal uffernol o dda smo chi’n cretu? A beth am y
‘fandaliaid go iawn’ sydd yn dinistrio’n diwylliant, treftadaeth a’n hetifeddiaeth ni? Fandaliaid y sefydliad Brydeinig sydd fesul darn yn tynnu conglfeini’n hunaniaeth yn ddarnau mân?

Ie da chi Irfon, ewch i farnu.

Bevan ein Vandal, diolchwn!

irfon 13 Awst 2012, 17:09

Tydi ‘mynnu ffurflen yn y Gymraeg’ ddim byd tebyg i be wnaeth gwir arwyr fel Rosa Parks a Mandela.

Adam Jones 13 Awst 2012, 17:21

Ar ôl colli Eileen Beasley wnaeth union yr un peth, wnaeth golli’i heiddo, wnaeth fynd i’r llysoedd dro ar ôl tro, rydych yn anghyfrifol iawn ei chymharu â mawrion eraill. Nid cymharu arwyr yw hwn ond cydnabod safiad unigolion sydd wedi gwneud y safiad hwnnw dros les eraill ac nid at ei dibenion ei hunain. Mae fandaliaid yn gwneud rhywbeth i fod yn hunanol, ai hunanol oedd Jamie Bevan? Yn codi asgwrn cefn i weud na i’r gyfundrefn Brydeinig a mynnu cael ein clywed?

Barry Taylor 13 Awst 2012, 17:36

Mae’n hollol amlwg nad yw dulliau cyfansoddiadol, parchus yn gweithio. Fel arall, byddai’r iaith yn ddiogel erbyn hyn. Ond er gwaethaf eu hymddiheuriadau dro ar ôl tro, mae’r gwasanaeth llysoedd wedi parhau i ddelio gyda jamie bevan yn Saesneg.

Weithiau mae angen pobl i weithredu tu allan i’r gyfraith er mwyn cael unrhyw sylw ac unrhyw effaith o gwbl.

Heb bobl fel Jamie Bevan, byddai pob arwydd a phob ffurflen yn uniaith Saesneg, ni fyddai sianel deledu Cymraeg o gwbl, a byddai’r iaith yn marw.

Diolch yn fawr, Jamie, am dy safiad dewr dros hawliau dynol i siaradwyr Cymraeg. Mae rhai ohonom yn gwerthfawrogi dy barodrwydd i fynd i’r carchar drosom ni.

Bedwyr 13 Awst 2012, 19:17

@Adam – paid ac ymateb i pen bach fel “Irfon” troll bach ydy o/hi, y fath sy anfon tweets bach o dan enw ffug at pobl.

Jamie Bevan ac Eileen Beasley – Diolch!

irfon 13 Awst 2012, 19:18

Byd o wahaniaeth rhwng methu cael bil trydan yn y Gymraeg a methu cael unrhyw fath o addysg oherwydd lliw eich croen. Perspectif bobol. A stopiwch yr hunan-ramantu.

Ceri 13 Awst 2012, 19:22

Golwg – beth yw’r pwynt dileu sylw rhywun ac wedyn gadael yr ateb gan ddyn arall. Man a man ichwi ddileu popeth; dyw’r dilyniant sylwadau ddim yn gwneud sens!

Dilwyn Roberts-Young 13 Awst 2012, 19:26

Mae’n rhaid i mi fynegi fy siom am rhai sylwadau sydd yn dangos amharch at Jamie Bevan ac at unigolion eraill fel Ffred Ffransis ac Eileen Beasley. Mi ges i’r fraint a’r anrhydedd o fod ym Merthyr heddiw i gefnogi safiad Jamie a dwi’n gwybod nad ar chwarae bach mae unrhyw un yn dewis gweithredu mewn modd fydd yn arwain at garchar. Mae’r sylwadau personol a’r ensyniadau’n dangos diffyg dealltwriaeth greiddiol o gysyniadau digon elfennol megis parch, urddas a chwarae teg. Wrth i ni fynd am allan o adeiladau’r llys holodd menyw beth oedd yn mynd ymlaen ac wedi iddi glywed yr hyn oedd wedi digwydd dyma hi’n datgan nad yw’r gymdeithas yr ydym yn byw ynddi’n deg gan ein siarsio i fwrw mlaen gyda’n brwydr. Tra bod anghyfiawnder a annhegwch yn bod a tra bod yr awdurdodau’n milwrio yn erbyn cydraddoldeb mae angen arwyr fel Jamie ac aelodau o’i deulu.

Bedwyr 13 Awst 2012, 19:28

Irfon – plis dweda i ni gyd nawr, pryd es ti i garchar am dy egwyddorion?

Hawdd iawn i llwfrgi neu cachgi fod yn ddewr tu ol i sgrin cyfrifadur, tydi?

irfon 13 Awst 2012, 19:47

Faswn i yn berffaith hapus mynd i garchar dros hawl person i gael addysg ag i wella ei hun ac i brotestio am system fel apartheid neu’r sefyllfa yn America yn y pumpdegau. Ond ddim dros yr hawl i gael peiriant twll yn y wal yn y Gymraeg.

Dafydd 13 Awst 2012, 19:49

…..ac mi wnes i ymateb mewn modd ysgafn i beth wnaeth rhwyun arall ddweud. Nid oes modd dileu neges. Mi fyddwn wedi petawn yn gallu. Mae parch mawr gyda fi iddo a’i debyg.

Bedwyr 13 Awst 2012, 20:04

Felly mae’n amlwg Irfon does diawl o ots gennyt am ein iaith a’n diwylliant. Da iawn ti.

irfon 13 Awst 2012, 20:10

Os ydi diwylliant yn dibynnu ar beiriant twll yn y wal mae wedi canu arni yn barod tybiwn i.

Adam Jones 13 Awst 2012, 20:19

Sut wyt ti felly Irfon yn gallu gwahaniaethu rhwng un hawl dynol a’r llall yr hawl i addysg, yr hawl i iaith? Onid yw iaith yn ‘addysg’ onid yw’r hawl i’r iaith honno’n addysg yn ei hun, ac heb yr hawl yn cyfyngu ar ‘addysg’ unigolyn?

Ti’n sôn am berspectif, rwyt yn colli pob dilysrwydd gwneud y fath sylw tra’n ceisio gwahaniaethu hawl i hawl, fel un sydd â teulu yn dod o dde Affrica ac yn byw yno nawr a frwydrodd yn erbyn apartheid allai weutho ti, yr un yw’r nod yn yr ymgyrchoedd hyn i gyd – cyfiawnder, gwneud yn iawn am yr hyn sydd anghyfiawn.

Os nad wyt ti’n gallu gweld hynny irfon, mae wedi canu arna ti dy hun.

Adam Jones 13 Awst 2012, 20:24

teulu yn byw yno nawr * dwi ddim yn byw yno!

Bedwyr 13 Awst 2012, 20:25

Os yw’r Gymraeg i fyw rhaid i fod yn rhan o’n bywyd pob dydd ni, nid ond yr ysgol, capel, ayb yn unig ond ar y stryd fawr; wir sori Irfon os wyt ti ddim yn deallt hynny. Ond fel ddwedis i troll bach y we wyt ti sy hoffi profocio gyda sylwadau anwybodus a negyddol. Pam? Dwi’m yn gwybod, efallai ti’n teimlo’n unig, neu flin ar byd a’r betws, wn i ddim. Ta waeth, eto diolch i ti Jamie am fynd i garchar dros ein iaith, ac i teulu Beasley’s am newid y drefn yn y 50’au. Diolch.

irfon 13 Awst 2012, 20:29

Faswn i’n dadlau fod yr hawl i addysg- mewn unrhyw iaith- yn bwysicach na’r hawl i addysg mewn iaith benodol. Education as a principle, a right and as an ideal is more important than the medium in which it’s delivered.

Bedwyr Clwyd Griffiths 13 Awst 2012, 20:39

Cytuno ac Irfon, mae addysg yn bwysicach na hawl unrhyw iaith, a fel rydym yn gwybod addysg cyfrwng Cymraeg sy roi’r addysg gorau i blant yn ol adran addysg y Cynullaid, a fel dwedwyd Irfon addysg sy’n bwysig, felly amser gwneud pob un ysgol yng Nghymru yn ysgol cyfrwng Cymraeg :)

Bedwyr 14 Awst 2012, 01:06

@Irfon, rwy’n wrthi mynd rownd tai pob blwyddyn i godi arian gyda Cymorth Cristnogol er mwyn y trydydd byd. Ambell waith mae rhai yn gwrthod gyda pob fath o esgusodion dan haul. Mae gweld y fath tlodi yn torri ngalon i a dwi wneud be allai dros cyfiawnder y trydydd byd. A mae cyfiawnder i iaith lleiafrifol, ein iaith ni, i fi yn bwysig iawn hefyd.

Bedwyr Clwyd Griffiths 14 Awst 2012, 08:58

O ddiddordeb Bedwyr, be mae nhw dweud wrth gwrthod rhoi arian i’r elusen arbenning honno?

Bedwyr 14 Awst 2012, 09:57

Dwedodd un wrthaf “I’m not a Christian and I don’t believe in charity” cyn cau drws.

Ifor Williams 14 Awst 2012, 10:03

Get lost Irfon roedd safiad Beasley gymaint pob tamed a Parks etc

Ifor Williams 14 Awst 2012, 11:58

Ond ma’r llencyn yn y jail a diw Cymru’n malio dim etc etc etc

D.Iwan circa 1970

Cwm Rhyd Chwados 14 Awst 2012, 13:56

Mae’n drist iawn gweld rhai o’r sylwadau hyn, yn enwedig rhai sy’n dod gan siaradwr Cymraeg megis Irfon, yn bychanu cyfraniad Jamie Bevan yn ogystal a’r gwaith a’r aberth a wnaethpwyd ers degawdau gan ymgyrchwyr dros yr iaith. Heb eu hymdrech hwy ni fyddai’n bosib defnyddio’r iaith yn ein bywydau bob dydd ac fe fyddai’r iaith ar ei wely angau erbyn hyn. Mae’r iaith dal yn glaf go fregus, ond o leiaf ei fod wedi goroesi diolch i arwraeth pobl megis Jamie.

Ifor Williams 14 Awst 2012, 16:44

Newydd darllen y stori yma a’r wefan y Western Mail ac ma nhw’n datgelu lot fwy na chi am yr hyn ddigwyddodd a’r gefnogaeth ma fe wedi derbyn.

Benjiman 14 Awst 2012, 18:23

Sgor

Irfon – 0
Jamie Bevan – 3943

irfon 14 Awst 2012, 22:16

Benjiman bach, mae gan bawb ffrindia. ‘Dwi heb gyfri yn ddiweddar. Croeso i bawb rhamanteiddio a smalio fod yn Che Guevara am 35 diwrnod.

Danial 17 Awst 2012, 01:04

ma rhywun di dileu fy nghomment, myn ddiawl bobol bach,

dachi’n ffreuo fel criw o golomenod arol briwsion bara.

Mwynhewch eich “crumbs” wrth dadlau ar y we, tan mae ein arwyr ddelfrydol yn pydru yn y carchar, yn crafu llinell i fewn i’r wal bob bora i helpu gyda’i drueni.

fyddai tu allan i’r carchar pryd mae’r hen Bev’s cael ei rhyddhau, efo confetti wedi’i wneud o dudalennau Beibl William Morgan ac yn canu calon lan.

Martin Williams 17 Awst 2012, 16:03

Pob lwb i J Bevan. Neb hyd yma wedi creu dolen?
http://www.youtube.com/watch?v=bfxcPHonLQE&feature=player_embedded

Mae’r sylwadau wedi cau.

Jamie Bevan: 35 diwrnod o garchar

Cadeirydd Cymdeithas yr Iaith yn cael ei hanfon o’r llys

Poblogaidd

Swyddi

Cynhyrchydd (Dwy swydd)

Cyfathrebwr Estyn Allan STEM (40% CALl)

Cynorthwyydd Materion Rheoleiddiol Ofcom Cymru

Pennaeth y Gwasanaethau Cyfreithiol (Dros Gyfnod Mamolaeth)

Cyfarwyddwr Astudiaethau Caplaniaeth

Swyddog Arweiniol Data

Swyddog Prosiect Ymbweru Bro (ardal Wrecsam)

Crëwr Cynnwys Digidol

Aelodau Cyngor Celfyddydau Cymru

Tiwtor Cymraeg ar gyfer y Gweithlu Addysg

← Stori flaenorol

Rhybudd am “oblygiadau byd eang” i’r cynhesu yn yr Arctig

Stori nesaf →

Streic yn y Canolfannau Gwaith

Hefyd →

Pôl piniwn: A ddylai Dydd Gŵyl Dewi fod yn ŵyl banc?

45 sylw