Wfftio’r honiadau am arweinyddiaeth Andrew RT

Diweddarwyd am  


Andrew RT Davies
Does dim gronyn o sail i’r sibrydion am wamalrwydd arweinyddiaeth Andrew RT Davies o’r Blaid Geidwadol yn y Cynulliad, yn ôl un Tori amlwg.

Yr wythnos ddiwetha’ roedd Golygydd Gwleidyddol BBC Cymru Vaughan Roderick yn adrodd ar ei flog bod anniddigrwydd ynghylch dull Andrew RT Davies o arwain yr wrthblaid yn y Cynulliad:

‘Ydy’r grŵp Ceidwadol yn y Cynlluniad hwn yn llai effeithiol nac oedden nhw yn y Cynulliad diwethaf? Mae ‘na rai, gan gynnwys rhai o fewn y blaid a’r grŵp, yn argyhoeddedig eu bod nhw.’

Ond mae Felix Aubel, sy’n gyfaill agos i Paul Davies y Dirprwy Arweinydd Torïaidd yn y Cynulliad, yn dweud nad yw’n ymwybodol bod ei gyd-Aelodau Cynulliad yn cwyno am Andrew RT Davies.

“Dw i ddim yn gwybod am unrhyw Aelod Cynulliad sy’n briffio yn ei erbyn,” meddai Felix Aubel, y cyn-ymgeisydd Ceidwadol sy’n Weinidog gyda’r Annibynwyr yn Nhrelech yn Sir Gaerfyrddin ac yn arbenigwr hen greiriau i sioe deledu Prynhawn Da ar S4C.

“Rydw i wedi darllen am anniddigrwydd honedig yn y Western Mail, ond heb weld unrhyw dystiolaeth.”

Union flwyddyn yn ôl etholwyd Andrew RT Davies i olynu Nick Bourne yn arweinydd y Blaid Geidwadol yn y Cynulliad. Nick Ramsay ddaeth yn ail.

“Gyda chanlyniad mor glos – dim ond 150 o bleidleisiau oedd rhwng Andrew RT a Ramsay – roedd wastad rhai yn mynd i’w chael hi’n anodd derbyn y canlyniad,” meddai Felix Aubel, sy’n credu fod arddull ymosodol Andrew RT Davies ar lawr y Senedd yn boblogaidd ymysg aelodau cyffredin ar lawr gwlad.

“Roedd rhai yn dweud bod [Nick] Bourne braidd yn hamddenol yn nadleuon y Cynulliad.

“Mae Andrew RT dipyn myw ymosodol ac yn dodi Carwyn Jones i gyfrif.”

Mae Felix Aubel yn bendant bod holl Aelodau Cynulliad y Ceidwadwyr y tu cefn i Andrew RT Davies.

“Does dim hollt yn y garfan,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Cofio Eirwyn Pontsiân – darlith Lyn Ebenezer