Carwyn Jones yn cyflwyno adroddiad swmpus ar waith ei Lywodraeth

Diweddarwyd am  


Wrth gyflwyno adroddiad ar yr hyn mae ei lywodraeth wedi cyflawni yn ei blwyddyn gyntaf, pwysleisiodd Carwyn Jones fod ei lywodraeth wedi buddsoddi yn y wlad, sicrhau bod gwasanaeth iechyd cyflymach ac wedi rhoi cefnogaeth i fusnesau bach.

Roedd Carwyn Jones yn cyflwyno adroddiad Rhaglen Lywodraethu er mwyn rhoi’r wybodaeth i bobol fedru barnu a yw’r llywodraeth yn gwneud yr hyn yr oedden nhw wedi addo gwneud, ond mae’r gwrthbleidiau wedi dweud nad oes digon o dargedau yn yr adroddiad er mwyn i bobol allu mesur cynnydd.

“Dyma esiampl arall o ystadegau, addewidion gwag a thargedau coll wedi eu pecynnu at ei gilydd” meddai Aled Roberts AC o’r Democratiaid Rhyddfrydol.

“Agored a thryloyw”

Dywedodd y Prif Weinidog fod “fod yr hinsawdd economaidd ac ariannol yn anodd iawn” ond bod yr adroddiad yn dangos fod y Llywodraeth wedi cyflawni mewn nifer o feysydd, gan gynnwys lleihau amserau aros cleifion, cyflwyno cronfa fuddsoddi gwerth £40m ar gyfer busnesau bach, a chyflwyno peilot llwyddiannus Twf Swyddi Cymru sy’n werth £75m.

Ychwanegodd fod ei lywodraeth “wedi ymrwymo i fod yn agored ac yn dryloyw” drwy gyhoeddi’r adroddiad 666 tudalen.

“Drwy gyhoeddi, am y tro cyntaf, y cynnydd rydyn ni wedi’i wneud ym mhob maes, gall pobl farnu ein gwaith a’n hymdrechion i wireddu ein hymrwymiadau. Mae’r adroddiad hwn yn rhoi’r dystiolaeth gadarn sydd ei hangen arnom i’n helpu i wneud gwahaniaeth i bobl Cymru.”

Pwysleisiodd hefyd fod Llywodraeth Cymru wedi gwireddu ei huchelgais o greu llwybr 870 milltir o amgylch arfordir Cymru ac wedi rhoi 165 o Swyddogion Cymorth Cymunedol yr Heddlu ychwanegol ar waith, neu mewn hyfforddiant.

Dywedodd Andrew RT Davies, arweinydd y Ceidwadwyr, fod yr adroddiad yn un manwl iawn ond bod y “ffigurau wedi cael eu taflu at ei gilydd i roi’r argraff fod llawer yn digwydd, ond mewn gwirionedd pan siaradwch chi gyda phobol ychydig iawn sy’n digwydd ar lawr gwlad.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019