Grŵp yn mynd i’r afael â Maes Awyr Caerdydd

 


Mae Carwyn Jones wedi cyhoeddi mwy o fanylion am grŵp tasg a fydd yn ceisio adfywio maes awyr Caerdydd.

Dywed y Prif Weinidog mai bwriad y grŵp yw “bod yn asiant ar gyfer newid” ochr yn ochr gyda’r maes awyr.

Cwmni preifat o Gatalonia, Abertis, sy’n berchen ar y maes awyr a dywedodd Carwyn Jones bod lle i’r grŵp tasg weithio gyda nhw er mwyn “rhoi cefnogaeth a gwneud defnydd gwell o adnoddau er mwyn cyflawni canlyniadau ar y cyd.”

Ychwanegodd fod y maes awyr yn “rhan greiddiol” o economi Cymru ac yn destun balchder i bobol Cymru, a bod angen gwneud y mwyaf o’i botensial.

Carwyn yn Gadeirydd

Mae gan y grŵp amcanion penodol sy’n cynnwys hyrwyddo gwell cyfathrebu rhwng y maes awyr a’r sectorau preifat a chyhoeddus yng Nghymru, gwella cyswllt awyr Cymru, sicrhau fod y maes awyr yn tyfu a bod profiad y teithwyr sy’n defnyddio’r maes awyr yn gwella.

Y Prif Weinidog fydd yn cadeirio’r grŵp a bydd yn ceisio cael cynrychiolaeth gan gyrff megis Maes Awyr Caerdydd, Cyngor Bro Morgannwg, y CBI, cwmni cynnal a chadw British Airways, a Siambr Fasnach De Cymru. Mae’r cyfarfod cyntaf yn cael ei drefnu ar hyn o bryd.

Mae Ceidwadwyr Cymru wedi dweud fod ymyrraeth Carwyn Jones yn “rhy ychydig a rhy hwyr.” Dywedodd Byron Davies AC fod beirniadaeth ddiweddar Carwyn Jones o’r cwmni sy’n rhedeg y maes awyr yn mynd i’w gwneud hi’n anodd iddo “weithio’n adeiladol” gyda nhw.

“Mae Llywodraeth Lafur Cymru wedi gwrthod sawl cyfle i fuddsoddi mewn llwybrau awyr pwysig o Gaerdydd a allai fod wedi agor ein heconomi ni i farchnadoedd Ewrop ac America” meddai Byron Davies.

Mae niferoedd teithwyr y maes awyr wedi disgyn, yn benodol ers i gwmni BMI Baby dynnu allan o Gaerdydd. Yn 2007 aeth 2.1m o bobol trwy’r maes awyr ond mae’r nifer yna wedi haneru erbyn hyn.

O Basra i Gaerdydd – pennaeth newydd y maes awyr

Bythefnos nôl cyhoeddodd Maes Awyr Caerdydd fod Patrick Duffy yn gadael ei swydd yn bennaeth y maes awyr a bod Debra Barber wedi ei phenodi yn Gyfarwyddwr Gweithredu.

Bu Debra Barber yn Grŵp-gapten yn y Llu Awyr ac yn Gomander rheoli traffig yr RAF, a bu’n gweithio ar ehangu maes awyr Basra yn Irac ac ar baratoadau’r Llu Awyr ar gyfer y Gemau Olympaidd yn Llundain.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Anrhydeddau Gorsedd y Beirdd 2019