Angen mwy o help ar gyn-filwyr, meddai Pwyllgor

 


Milwyr o Gymru yn Afghanistan
Mae angen gwneud mwy i helpu cyn-filwyr sy’n diodde’ o drawma oherwydd rhyfel – gan gynnwys gwell trefn o drosglwyddo gwybodaeth rhwng y fyddin a meddygon teulu.

Dyna neges Pwyllgor Iechyd y Cynulliad sydd wedi gwneud rhes o argymhellion am ffyrdd o wella gwasanaethau a chodi ymwybyddiaeth o’r broblem.

Roedden nhw wedi clywed gan dystion bod y syndrom trawma PTSD yn gallu effeithio ar gyn-filwyr flynyddoedd yn ddiweddarach gan arwain at broblemau gyda throseddu a chyffuriau.

Fe fydd teuluoedd llawer hefyd yn chwalu, meddai Cadeirydd y Pwyllgor, Jonathan Morgan, a llawer yn cael eu gwneud yn ddigartref.

Bylchau mewn cofnodion

Problem arall yw bod bylchau mewn cofnodion meddygol o gyfnod y cyn-filwyr yn y rhyfel yn llesteirio gallu meddygon teulu i’w helpu.

Ym marn y pwyllgor, mae hynny’n golygu bod y doctoriaid yn aml yn methu ag adnabod symtomau’r trawma.

Mae’r argymhellion yn cynnwys gwella safon yr wybodaeth sydd ar gael am gyn-filwyr o’r fath er mwyn rhannu arian yn well ar gyfer triniaeth a gwasanaethau cefnogi.

Fe ddylai cyn-filwyr yn y carchar allu manteisio’n llawn ar y rheiny hefyd, meddai’r Pwyllgor.

Argymhellion eraill

Dyma rai o’r prif awgrymiadau eraill:

  • Gwella ymwybyddiaeth a hyfforddiant yn y Gwasanaeth Iechyd.
  • Cymorth i fudiadau greu rhwydweithiau cymorth a chodi ymwybyddiaeth o’r rheiny.
  • Yr hawl i gynnwys gwybodaeth o gyfnod gwasanaeth milwrol ar gofnodion meddygol cyn-filwyr.
  • Sicrhau bod milwyr yn cael eu sgrinio am PTSD flwyddyn ar ôl gadael y lluoedd arfog.
  • Sicrhau gofal a chymorth i gyn-filwyr sy’n cam-drin cyffuriau a mwy o driniaethau therapiwtig arbenigol, gan gynnwys triniaethau siarad.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones