Symud Bwrdd yr Iaith i Sain Ffagan

 


Symud Bwrdd yr Iaith i'w gartref newydd
Mae Bwrdd yr Iaith Gymraeg wedi ei symud i’w gartref newydd yn amgueddfa werin Cymru, Sain Ffagan, heddiw.

Daeth gwaith Bwrdd yr Iaith i ben ddydd Gwener. Bydd y gamp o hybu’r iaith yn cael ei rannu rhwng Llywodraeth Cymru a’r Comisiynydd Iaith newydd, Meri Huws.

Cafodd y Bwrdd ei chreu 18 mlynedd yn ôl, yn 1993. Dywedodd curadur yr amgueddfa werin ei fod yn grair hanesyddol yr oedd angen ei ddiogelu.

“Mae’r Bwrdd bellach wedi ei ddatgymalu, darn wrth ddarn, a’i ail-adeiladu yn ein pentref yn Sain Ffagan,” meddai Ffwg Salesbury. “Mae’r bwrdd hefyd wedi ei ychwanegu at restr henebion Cadw.”

Penderfynodd yr Amgueddfa ailadeiladu’r Bwrdd fel y byddai wedi ymddangos yn 1993.

“Roedd rywfaint o waith cynnal a chadw ar y Bwrdd,” meddai Ffwg Salesbury. “Roedd un o goesau’r Bwrdd wedi dod yn rhydd ac roedd sawl darn o wm cnoi wedi eu glynu arno dros y blynyddoedd.

“Mae’r Bwrdd yn adlewyrchu hanes cymdeithasol, crefyddol a gwleidyddol y cyfnod ac yn ychwanegiad pwysig i gasgliad Sain Ffagan.”

Fe fydd yn ymuno â byrddau hanesyddol eraill yn yr amgueddfa, gan gynnwys bwrdd crwn Arthur, bwrdd snwcer Ray Reardon, a’r 22 bwrdd iechyd a ddiddymwyd yn 2009.

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed