Arlwy bresennol S4C ‘yn peryglu ei dyfodol’

 


Rhodri Williams ac Emma Walford
Mae’r rhaglen Heno mewn perygl o ladd y Sianel – dyna farn Cadeirydd y cwmni sy’n cynhyrchu’r rhaglen.

Yn ôl Ron Jones o gwmni Tinopolis, S4C sy’n gyfrifol am gynnwys tabloid a Phrydeinig y rhaglen gylchgrawn ddaeth yn lle Wedi 7.

Tra’n dweud yn gwbwl blaen nad oes dyfodol i’r Sianel os bydd hi’n parhau gyda Heno a’i thebyg, mae’n ffyddiog y bydd yna dro pedol ac y daw rhaglen sydd at ddant y Cymry Cymraeg.

Roedd Ron Jones yn awyddus i amddiffyn Angharad Mair a chriw cynhyrchu Heno, gan bwysleisio mai S4C wnaeth ddewis enw’r rhaglen a’i chynnwys.

Mae Cadeirydd Tinopolis yn rhoi’r bai am Heno ar gynnwys y ddogfen Gweledigaeth S4C 2012-2015 gafodd ei chyhoeddi y llynedd mewn ymateb i’r cwtogi garw ar gyllideb y Sianel.

“Mae Gweledigaeth 2012, petae’n cael ei gario trwyddo am y dair blynedd nesaf, mi fydde fe’n lladd S4C fel gwasanaeth,” meddai Ron Jones.

“Mae’r cyfeiriad yma yn anghywir i’r Sianel. Nid y rhaglenni rydw i moyn gweld ar y sgrîn ydyn nhw.”

Darllenwch weddill yr erthygl yng nghylchgrawn Golwg, 22 Mawrth

Cymru

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

1988-2018 Cylchgrawn Golwg yn 30 oed