Pôl Piniwn Golwg 360: Arweinyddiaeth Plaid – Leanne yn ennill

Diweddarwyd  


Pebai darllenwyr Golwg360 yn gyfrifol am ddewis arweinydd newydd Plaid Cymru, fe fyddai enillydd clir – y ddysgwraig o’r Cymoedd, Leanne Wood.

Gyda diwrnod i fynd cyn y cyhoeddiad swyddogol, fe enillodd hi’r ras ym mhôl piniwn answyddogol Golwg 360, a hynny gyda 60.85% o’r pleidleisiau.

AC Ceredigion Elin Jones, sy’n dod yn ail yn y ras, gyda 24.86% o bleidlesisiau, a Dafydd Elis-Thomas yn y trydydd safle, gyda 14.29%.

Fe bleidleisiodd 539 o ddarllenwyr yn ein pôl piniwn answyddogol, a ddechreuodd ar 27 Chwefror – gan gau ddydd Sul diwethaf, 12 Mawrth.

Dyma’r union sgôr:

Leanne Wood                         328

Elin Jones                                134

Dafydd Elis-Thomas               77

Mae’r canlyniadau’n adlewyrchu’r heip sydd wedi bod o gwmpas ymgyrch Leanne Wood o’r dechrau, gyda phresenoldeb amlwg iawn ei chefnogwyr ar-lein, a gyda pheiriant cysylltiadau cyhoeddus cryf iawn tu ôl iddi, a hynny o sawl cyfeiriad.

Ond gan y 7,863 o aelodau cofrestredig ym Mhlaid Cymru y bydd y bleidlais go iawn – doedd dim rhaid bod yn aelod o’r Blaid i gymryd rhan yn y pôl piniwn a oedd heb ei bwyso na’i drefnu i adlewyrchu natur y boblogaeth.

Yr aelodau sy’n cyfri

Fe lwyddodd ymgyrch aelodaeth diweddar Plaid Cymru i ddenu 1,500 o aelodau newydd i’r blaid erbyn diwedd mis Ionawr eleni, ac mae’r cynnydd hwnnw yn dangos tueddiadau daearyddol pendant iawn.

Yng Ngheredigion, ym mhatsh Elin Jones, y gwelwyd y nifer fwyaf o aelodau newydd yn ymuno â’r Blaid yn ystod yr ymgyrch, gyda phatsh Dafydd Elis Thomas, yn Nwyfor Meirionnydd, yn dynn wrth ei sodlau.

Mae’r ddau’n cynrychioli ardaloedd traddodiadol Gymraeg yn y Gorllewin, sef tir cadarnleoedd hanesyddol Plaid Cymru.

Mae Leanne Wood yn cynrychioli ardal fwy anodd i’r Blaid yn draddodiadol, gyda’r Cymoedd, a’r rhanbarth y mae hi’n ei gynrychioli, Canol De Cymru, yn gadarnleoedd Llafur.

Dilynwch Blog Byw Golwg 360 o’r cyhoeddiad i lawr yng Ngwesty Dewi Sant, Caerdydd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones