Yr Alban – rhaid paratoi, meddai Carwyn Jones

 


Carwyn Jones - angen paratoi
Mae Prif Weinidog Cymru’n dweud bod angen dechrau paratoi’n awr ar gyfer y posibilrwydd o Alban annibynnol.

Ond mae Carwyn Jones wedi gwrthod y syniad o ddatganoli rhai o’r prif drethi i Gymru – o leia’ nes y bydd y wlad yn cael “cyllid teg” o Lundain.

Fe ddylai’r ddadl am ddyfodol yr Alban fod yn fater i wledydd Prydain i gyd, meddai’r Prif Weinidog ar Radio Wales.

“All Cymru ddim eistedd yn ôl a gadael i bethau ddigwydd,” meddai. “Does gyda ni ddim ateb ar hyn o bryd ond mae’n rhaid i ni ddechrau gweithio arno fe’n awr.

“Y peth ola’ r’yn ni’n mo’yn yw fod y ddadl hon yn crisialu yn ddadl rhwng Lloegr a’r Alban. Rhaid i ni ddechrau meddwl am y peth nawr, nid ymhen dwy flynedd.”

‘Dim datganoli-macs i Gymru’

Fe wrthododd y syniad o ‘ddatganoli macs’ i Gymru, gan gynnwys rhoi grym i godi rhai o’r prif drethi, fel treth incwm a threth gorfforaethol.

Roedd Cymru’n cael cam o ran yr arian sy’n dod o Lundain, meddai, ac fe fyddai derbyn hynny a threthu pobl yr un pryd yn gamgymeriad.

Er bod Comisiwn Silk ar hyn o bryd yn ystyried materion o’r fath, fe ddywedodd Carwyn Jones y byddai’n ystyried datganoli rhai o’r trethi llai, ond dim arall – cael cyllid teg oedd bwysica’.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn

Owain Glyn Dŵr a dysgu hanes Cymru – darlith Dr Elin Jones