Eisteddfod AmGen ar y radio a’r we

Diweddarwyd am  
Logo Radio Cymru

Mae BBC Cymru wedi cyhoeddi partneriaeth gyda’r Eisteddfod Genedlaethol i gynnal yr Eisteddfod AmGen.

Bydd yr ŵyl yn cael ei chynnal dros benwythnos hir rhwng Gorffennaf 30 ac Awst 2 a bydd yn cynnwys cerddoriaeth, llenyddiaeth, comedi, celf, cyngherddau a chystadlu.

Bydd yna faes rhithiol gyda chyflwynwyr Radio Cymru’n tywys y gynulleidfa o’i gwmpas.

Rhan fawr o’r Eisteddfod AmGen fydd y cystadlaethau a’r seremonïau barddonol a llenyddol, gyda thestunau yn cael eu cyhoeddi cyn hir.

Ar ben hyn, bydd dysgwyr Cymraeg yn cael eu gwobrwyo wrth i BBC Cymru a’r Eisteddfod gydweithio gyda’r Ganolfan Dysgu Cymraeg Cenedlaethol, Duolingo a Say Something in Welsh.

Bydd seremoni Albwm Cymraeg y Flwyddyn yn cael ei darlledu fel rhan o’r ŵyl hefyd.

“Mae’r Eisteddfod yn unigryw a does dim dwywaith y byddwn yn gweld ei cholli eleni,” meddai Rhuanedd Richards, Golygydd Radio Cymru a Chymru Fyw.

Tra bod  Betsan Moses, Prif Weithredwr yr Eisteddfod Genedlaethol, wedi dweud: “Mae pawb yn siomedig nad yw’r Eisteddfod ‘go iawn’ yn cael ei chynnal yng Ngheredigion eleni, felly ry’n ni wedi dod ynghyd er mwyn sicrhau bod modd i bobl fwynhau rhywfaint o flas a bwrlwm yr ŵyl yn ystod yr wythnos.

“Ry’n ni wedi gweithio gyda’r BBC i ddod â’r Eisteddfod yn fyw i’r gynulleidfa gartref ers blynyddoedd, felly mae’n braf gallu gwneud hyn eto eleni.”

Gallwch ddarllen cyfweliad gyda Phrif Weithredwr yr Eisteddfod Genedlaethol, Betsan Moses, a llawer iawn mwy am yr Eisteddfod AmGen ar golwg+.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn