Dafydd Iwan: ‘Dyw Plaid Cymru ddim yn ofni Neil McEvoy’

Diweddarwyd am  
Dafydd Iwan

Dafydd Iwan yn annerch rali tros annibyniaeth yng Nghaernarfon

Llun: Stand Up For Wales / Sefyll Lan Dros Gymru

Dyw Plaid Cymru ddim yn ofni Neil McEvoy, yn ôl un o ffigyrau amlycaf y mudiad cenedlaethol.

Wrth siarad â Golwg yr wythnos ddiwethaf, dywedodd arweinydd y WNP (Welsh National Party) bod Plaid Cymru yn “pryderu” am ei apêl yntau yn y gogledd.

Ond mewn llythyr yn rhifyn yr wythnos hon, mae Dafydd Iwan wedi ymateb â beirniadaeth hallt o’r Aelod o’r Senedd.

“Dyn sy’n anhapus yn ei groen ei hun yw Neil,” meddai, gan ategu ei fod yn “feistr ar gadw’i enw yn y newyddion”.

“Gallaf sicrhau Neil nad yw Plaid Cymru yn ei ofni, ond yn pryderu’n fawr ei fod yn parhau i wanhau’r achos cenedlaethol drwy ymrwygo ac ymrannu,” meddai Dafydd Iwan wedyn.

Gallwch ddarllen rhagor o’r llythyr ar golwg+.

Neil McEvoy a’r Blaid

Roedd Neil McEvoy ar restr Plaid Cymru pan enillodd ei sedd yn y Senedd yn 2016, ond cafodd ei wahardd o’r Blaid ddwy flynedd yn ddiweddarach – a hynny, am dorri ei rheolau sefydlog.

Mae’r berthynas rhwng yntau a’i gyn-blaid wedi bod yn un dymhestlog, ac mae’r ffraeo yn parhau hyd heddiw.

Mae bellach wedi sefydlu’r WNP ac wedi denu cynghorwyr yng Ngwynedd (un o Blaid Cymru) i ymuno ag ef.

“Beth sy’n anghyfforddus i’r blaid yw’r diddordeb rydym ni hefyd yn ei ddenu yng ngogledd Cymru,” meddai wrth Golwg yr wythnos ddiwethaf. “Dw i’n credu bod hynny yn amlwg yn pryderu nhw.”

Mae enw’r WNP bellach yn cael ei ailystyried gan y Comisiwn Etholiadol, wedi i Blaid Cymru herio hawl y blaid i’w defnyddio.

Ymateb

Mae Golwg wedi gofyn i Neil McEvoy am ymateb.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn