Heddlu’n parhau i geisio atal pobl o Loegr rhag herio’r cyfyngiadau

Diweddarwyd am  
Heddlu'n rhoi dirwy i deithiwr o Loegr am dorri'r cyfyngiadau

Heddlu’n rhoi dirwy i deithiwr o Loegr am dorri’r cyfyngiadau

Llun: Heddlu Gogledd Cymru

Mae heddluoedd ar draws Cymru yn parhau i geisio atal pobl rhag herio cyfyngiadau’r coronafeirws yng Nghymru sy’n galw ar bobl i aros gartref.

Cafodd teulu o Birmingham ddirwy a’u hanfon adref ar ôl cael eu dal gan yr heddlu yn dringo mynydd Pen y Fan fore Sul (Mai 17).

Roedd swyddogion plismona’r ffyrdd yn Aberhonddu wedi gweld y teulu yn cerdded lawr y mynydd ym Mharc Cenedlaethol Bannau Brycheiniog ar lwybr troed sydd wedi cau.

“Byddwch yn gyfrifol”

Dywedodd Mark Collins, Prif Gwnstabl Heddlu Dyfed Powys bod y digwyddiad yn “un o nifer o esiamplau unwaith eto o bobl yn teithio filltiroedd i ddod i ardaloedd yng Nghymru.”

Ychwanegodd bod gan ardal heddlu Dyfed Powys y nifer isaf o achosion o Covid-19 yng Nghymru a’u bod yn awyddus i ddiogelu hynny.

“Plîs byddwch yn gyfrifol,” meddai.

Yng Ngheredigion roedd yr heddlu wedi stopio car oedd wedi gwneud taith o 400 milltir o Lundain ac yn ôl fel bod y gyrrwr yn gallu mynd i weld ei gariad.

Cafodd y gyrrwr ei anfon yn ôl i Lundain a chafodd y digwyddiad ei gofnodi am dorri’r cyfyngiadau llym sydd mewn lle.

Yn Sir Gaerfyrddin cafodd camper fan oedd yn teithio o ardal Caint ei stopio yn Llanybydder. Cafodd y gyrrwr ddirwy a’i gynghori i ddychwelyd i Gaint.

Ac yn dilyn pryderon ymhlith trigolion yn Y Bala ddydd Sul, cafodd tri cherbyd yn cynnwys naw o ddynion eu hanfon yn ôl i ardal Manceinion gan Heddlu’r Gogledd am dorri’r rheoliadau.

Llacio yn Lloegr

Roedd y Prif Weinidog Boris Johnson wedi llacio’r cyfyngiadau teithio yn Lloegr – er nad yw’r rheolau wedi newid yng Nghymru.

Yn Lloegr, mae modd i bobol “yrru i lefydd eraill” a chwrdd ag un person o’r tu allan i’w cartrefi.

Ond mae pobol yng Nghymru yn dal i gael eu rhybuddio i aros gartref ac aros yn lleol er mwyn gwneud ymarfer corff.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn