Marw Ken Rees, cyn-ohebydd ITV Cymru, yn 76 oed

 

Mae Ken Rees, cyn-ohebydd ITV Cymru, wedi marw’n 76 oed ar ôl bod yn cwffio canser.

Fe ddaeth y newyddiadurwr, oedd yn enedigol o Gaerdydd, yn wyneb cyfarwydd yn y 1980au a’r 1990au wrth ohebu o ryfeloedd ar draws y byd, gan gynnwys y rheiny yn Beirut, y Malfinas a Rhyfel Cynta’r Gwlff.

Ar ôl cyfnod yn gohebu yng ngogledd Lloegr, cafodd ei ddyrchafu i swyddfa Washington ITV ganol y 1980au i gydweithio â Jon Snow.

Cafodd ei enwi’n ohebydd y flwyddyn gan y Gymdeithas Deledu Frenhinol yn 1986, a chafodd ei ganmol am “ei allu i ohebu’n effeithiol ac yn llawn cydymdeimlad ar bob math o stori o newyddion caled i drasiedi ddynol bersonol”.

Yn ôl Nigel Hancock, ei gyn-brif olygydd yn ITN, roedd Ken Rees yn “gawr newyddion teledu”.

Dywed John Toker, ei gydweithiwr yn ITN, fod ganddo fe “awch am stori” a’i fod e’n “hynod gystadleuol yn ei ddull, agwedd oedd yn ei wneud yn annwyl ymhlith ei olygyddion  chynhyrchwyr newyddion yn ITN, a’i wrthwynebwyr yn y BBC a sefydliadau newyddion Americanaidd yn ei ofni”.

Mae’n gadael gwraig, Lynne, mab Christian, merch Samantha a thri o wyrion.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn