£30,000 i Americanwr am sgwennu LOT

Diweddarwyd  

Bryan Washington

Llun gan Dailey Hubbard

Mae Prifysgol Abertawe wedi rhoi £30,000 i Americanwr am sgwennu straeon byrion am bobl ar gyrion cymdeithas yn ninas Houston.

Enillodd Bryan Washington, awdur 27 oed o America, wobr Dylan Thomas Prifysgol Abertawe – sydd werth £30,000 – am ei gasgliad cyntaf o straeon byrion, LOT.

Fe gafodd yr enillydd ei gyhoeddi mewn seremoni rhithwir a gyflwynwyd gan yr actor Michael Sheen ar nos Iau (Mai 14), a hithau yn ddiwrnod dathlu Dylan Thomas.

“Straeon am bobol dduon hoyw”

Wrth dderbyn y wobr, dywedodd Bryan Washington: “Mae’n wych pryd bynnag y mae cynulleidfa’n gwerthfawrogi eich stori, ym mha bynnag ffordd, heb sôn am gael cydnabyddiaeth am eich gwaith ar lwyfan mor anferth.

“Ac mae’n fraint adrodd straeon am y cymunedau sy’n annwyl i mi, a’r cymunedau rwy’n byw yn eu mysg – cymunedau sydd ar y cyrion, cymunedau pobl dduon a chymunedau pobl dduon hoyw, yn benodol.”

Dechreuodd Bryan Washington ysgrifennu casgliad o straeon byrion o’r enw  LOT yn 2016 gyda’r bwriad o bortreadu pobol y cyrion yn ninas Houston.

Mae’r casgliad wedi cael ei frolio fel gwaith dirdynnol, ingol, dwys ac ysgytwol, sy’n cynnig cipolwg dwfn ar bobl Houston.

“Mae casgliad Bryan Washington o straeon byrion, LOT, yn gwneud yr hyn y mae unrhyw waith ffuglen fawr yn ei wneud, sef dod o hyd i ffordd o oleuo byd na fyddai’n bosib ei adnabod fel arall, a hynny mewn modd ffraeth a chain,” meddai’r Athro Dai Smith o Brifysgol Abertawe.

“Dyma lais go-iawn, unigryw, bythgofiadwy, hael a chynnes sy’n rhoi ymdeimlad o gymuned a phrofiad bywyd llawn i ni.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn