Pennu dyddiad ar gyfer achos llofruddiaeth Penygraig

 
Llys y Goron Caerdydd

Llys y Goron Caerdydd

Mae dyddiad wedi cael ei bennu ar gyfer achos llys yn erbyn dynes 29 oed sydd wedi’i chyhuddo o lofruddio warden eglwys a cheisio llofruddio tri o bobl eraill.

Mae Zara Anne Radcliffe wedi ei chyhuddo o drywanu John Rees, 88 oed,  yn siop Co-op ym Mhenygraig yn y Rhondda ddydd Mawrth diwethaf (Mai 5).

Mae hi hefyd wedi’i chyhuddo o geisio llofruddio tri pherson arall, Andrew Price, Gaynor Saurin a Lisa Way.

Fe ymddangosodd Zara Anne Radcliffe drwy gyswllt fideo yn Llys y Goron Caerdydd heddiw (Dydd Llun, Mai 11).

Mae disgwyl i’r achos yn ei herbyn gael ei gynnal yn Llys y Goron Merthyr Tudful ar Hydref 19.

Cafodd Zara Anne Radcliffe, o Stryd Wyndham, yn Porth, ei chadw yn y ddalfa.

Roedd John Rees yn byw ym mhentref Trealaw gyda’i wraig Eunice ac yn warden yn yr eglwys yno.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn