Dod o hyd i gyffuriau Dosbarth A a B mewn tŷ yn Nhregaron

 

Llun: Heddlu

Mae cyffuriau dosbarth A a B wedi’u canfod mewn eiddo yn Nhregaron, yn ôl yr heddlu.

Roedd Heddlu Dyfed Powys wedi cyflwyno gwarant Deddf Camddefnydd Cyffuriau mewn tŷ ar ystâd Maesamlwg yn Nhregaron, Ceredigion.

Aethon nhw i’r cyfeiriad nos Sadwrn (Mai 2) ac yn ystod y cyrch, cafwyd hyd i gyffuriau Dosbarth A a B, yn ogystal â swm sylweddol o arian.

Mae’r heddlu bellach yn cynnal ymchwiliad i gyflenwi cyffuriau.

“Roedd gweithredu’r warant yn bosib oherwydd gwybodaeth a roddwyd i ni gan aelodau o’r cyhoedd,” meddai PC Samuel Garside.

“Roedden nhw’n poeni am y defnydd cynyddol o gyffuriau yn eu hardal.

“Gallaf sicrhau’r cyhoedd y byddwn yn ymateb yn gadarn lle bynnag y bo’n bosib er mwyn mynd i’r afael â chyflenwi cyffuriau, ac yn gweithredu ar sail gwybodaeth gan aelodau’r cyhoedd gan fynd ar batrolau cyson, a chyflwyno gwarant pe bai angen.”

Gall unrhyw wybodaeth gael ei gyflwyno i’r heddlu drwy alw 101, neu yn ddienw drwy CrimeStoppers drwy alw 0800 555 111.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn