Katherine Jenkins i berfformio mewn cyngerdd ar-lein i ddathlu diwedd y rhyfel

Diweddarwyd am  

Katherine Jenkins

Llun: CCA 2.0, David Skinner

Bydd y gantores Katherine Jenkins yn perfformio mewn cyngerdd arbennig i ddathlu 75 mlynedd ers diwedd yr Ail Ryfel Byd, ond oherwydd argyfwng y coronafeirws bydd Neuadd Frenhinol Albert yn wag a’r perfformiad yn cael ei ffrydio ar lein.

Dywedodd  Katherine Jenkins, sy’n dod o Gastell-nedd, ei bod hi’n bwysig nad oedd y pandemig yn taflu cysgod dros y dathliadau.

“Rwy’n hyderus y gallwn ddod at ein gilydd o hyd. Ar ôl bod yn rhan o ddigwyddiadau blaenorol, roeddwn i eisiau gwneud rhywbeth i helpu i ddod â’r genedl a’r byd ynghyd i gofio a dathlu ar yr adeg anodd yma.

“Am y tro cyntaf bydd y Neuadd Frenhinol yn wag, yn ynysig ac eto’n syfrdanol o odidog.”

Yn wreiddiol, roedd y gantores i fod i gymryd rhan mewn cyngerdd Diwrnod VE i ddathlu 75 mlynedd ers diwedd y rhyfel a fyddai’n cael ei ffrydio’n fyw i 450 o sinemâu, fodd bynnag mae hyn wedi’i ohirio tan fis Medi oherwydd y coronafeirws.

“Cerddoriaeth yn ein huno”

 Mae’r gyngerdd ar-lein wedi ei drefnu gan Faer Llundain Sadiq Khan, ac yn codi arian ar gyfer elusen y lluoedd arfog.

Dywedodd Sadiq Khan: “Mae cerddoriaeth yn ein huno trwy gyfnodau o galedi ac mae’r cyngerdd hwn y tu ôl i ddrysau caeedig yn dangos ysbryd Prydeinig o oresgyn heriau, ac yn gyfle i gofio’r rhai a wasanaethodd ein gwlad ac a gollodd eu bywydau.”

Bydd y cyngerdd yn cael ei ffrydio ar wefan Neuadd Frenhinol Albert nos Wener, Mai 8.

 

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn