Gwanas “reit nerfus” wrth droi at sgrifennu erotica eto

Diweddarwyd  

Mae Bethan Gwanas yn awdur poblogaidd sy’n wyneb amlwg ar y cyfryngau

Mae Bethan Gwanas wedi bod yn codi cwr y llen ar y broses o sgrifennu dilyniant i Gwrach y Gwyllt.

Fe gafodd y nofel honno am wrachod nwydwyllt ei chyhoeddi yn 2003, ac mae’r awdur yn cydnabod nad pawb oedd yn ffan.

“Mae Gwarch y Gwyllt fel Marmite,” meddai Bethan Gwanas wrth gylchgrawn Golwg yr wythnos hon.

“Mae yna bobol sydd wedi ei mwynhau hi’n ofnadwy, ac mae yna bobol sydd heb ei hoffi hi o gwbl. Mae pobol yn agored iawn efo fi.

“Mae gennych chi ddarnau eitha’ gwaedlyd, ac nid pawb sy’n licio pethau’ felly. Mae gennych chi ddarnau reit rywiol, ac nid pawb sy’n hoffi darllen pethau felly yn Gymraeg! Dydi hi ddim am apelio at bawb.”

Y nofel newydd

Roedd y llyfr newydd, Merch y Gwyllt, i fod i gael ei lansio yn Sesiwn Fawr Dolgellau ym mis Gorffennaf, ond mae’r dyddiad cyhoeddi bellach yn ansicr oherwydd argyfwng y coronafeirws.

Ond mae cylchgrawn Golwg wedi cael caniatâd i gyhoeddi talp o’r bennod gyntaf, sydd yn rhifyn yr wythnos yma.

Hefyd yn y cylchgrawn mae’r awdur yn egluro ei bod hi’n eitha’ petrus cyn dangos y nofel orffenedig newydd i unrhyw un.

“Am fod yna cynifer o flynyddoedd wedi mynd ers i fi sgrifennu erotica, ro’n i’n reit nerfus,” meddai Bethan Gwanas.

“A dw i yn berson gwahanol hefyd. Mi gymerodd hi sbel i mi ymlacio digon i fi fwrw iddi! Dydi o ddim yn hawdd…”

Cyfweliad llawn gyda Bethan Gwanas a thalp o Merch y Gwyllt yn rhifyn yr wythnos o gylchgrawn Golwg

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn