Rhybuddio’r cyhoedd i aros adref

Diweddarwyd  

Carl Foulkes, Prif Gwnstabl Heddlu Gogledd Cymru

Llun: Heddlu Gogledd Cymru

Mae heddluoedd y Gogledd a Dyfed-Powys yn rhybuddio y byddan nhw’n cadw gwyliadwriaeth ar ffyrdd i rwystro teithio diangen dros benwythnos y Pasg.

“Byddwn yn cynnal presenoldeb cryf ar ffyrdd drwy holl ardal yr heddlu y penwythnos yma er mwyn sicrhau mai dim ond y rheini sydd â gwir angen fydd yn teithio,” meddai’r Arolygydd Andy Williams o Heddlu Dyfed-Powys.

“Mae mwy o bobl ar y ffyrdd hefyd yn ei gwneud yn fwy tebygol y bydd cerbydau’n torri i lawr neu mewn damwaith, gan roi straen ychwanegol ar y gwasanaethau brys.

“Rydym mewn argyfwng iechyd cyhoeddus, gyda llawer o fywydau yn y fantol os nad yw pobl yn parhau i ddilyn canllawiau’r llywodraeth.”

Yr un oedd neges Prif Gwnstabl Heddlu Gogledd Cymru, Carl Foulkes.

“Mae’r Pasg yn draddodiadol yn amser prysur iawn yng ngogledd Cymru ac rydym fel arfer yn croesawu llawer o ymwelwyr i’r ardal,” meddai.

“Ond mae angen i bawb chwarae eu rhan i rwystro’r Coronafeirws rhag lledaenu.

“Fe fydd ein plismyn allan ar patrol dros gyfnod y Pasg, yn cyd-drafod a lledaenu’r neges gyda’r cyhoedd.

“Fodd bynnag, lle na bydd pobl yn cydymffurfio, yna byddwn yn dweud wrth bobl am fynd adref, ac os bydd angen, byddwn yn cyflwyno dirwy.”

Dywedodd Comisiynydd Heddlu’r Gogledd, Arfon Jones fod lleiafrif bach yn dal i anwybyddu canllawiau’r Llywodraeth.

“Fy neges yw i bawb aros adref i achub bywydau, ac annog eu ffrindiau a’u teulu i wneud yr un fath,” meddai.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn