Arweinwyr y Gwrthbleidiau yn ymuno â Grŵp Craidd Covid y Llywodraeth

Diweddarwyd  
Llun: golwg360

Mark Drakeford

Mae arweinydd Plaid Cymru ag arweinydd y Ceidwadwyr Paul Davies wedi ymuno â Grŵp Craidd Covid Llywodraeth Cymru.

Mae grŵp Covid y Cabinet yn cyfarfod bob bore Mercher. Mae’n derbyn adroddiadau am y datblygiadau diweddaraf gan y Prif Swyddog Meddygol, Prif Weithredwr GIG Cymru, y Ganolfan Cydgysylltu Argyfyngau, a Chymdeithas Llywodraeth Leol Cymru.

“Mae’r Prif Weinidog wedi gwahodd arweinwyr y Ceidwadwyr Cymreig a Phlaid Cymru i ymuno â Grŵp Craidd Covid er mwyn sicrhau bod Aelodau Cynulliad yn cael gwybod am y datblygiadau diweddaraf ynglŷn â’r pandemig ac ymateb Llywodraeth Cymru,” meddai datganiad gan Lywodraeth Cymru.

Dywedodd y Prif Weinidog, Mark Drakeford: “Er mwyn cydnabod y sefyllfa unigryw o ddifrifol yr ydym yn ei hwynebu, yr wyf wedi gwahodd arweinwyr y Ceidwadwyr Cymreig a Phlaid Cymru i ymuno â’r grŵp hwnnw.”

Dywed Adam Price y byddai Plaid Cymru wastad yn ceisio gweithio “mewn modd adeiladol ar y cyd gydag eraill” – yn enwedig mewn cyfnod o “argyfwng digynsail.”

Aeth ymlaen i ddweud mai blaenoriaeth Plaid Cymru yw “lles pobl Cymru” a sicrhau fod y wlad yn goresgyn yr argyfwng.

Tra bod Paul Davies wedi bod yn fwy ymosodol, gan ddweud: “Roeddwn yn falch i dderbyn gwahoddiad y Prif Weinidog i ymuno â’r grŵp covid. Fodd bynnag, fel rwyf wedi gwneud yn glir i’r Prif Weinidog, byddaf yn gadael y grŵp os bydd yn llesteirio fy ngallu i graffu’r Llywodraeth.”

“Ar ormod o achlysuron yn barod, mae Llywodraeth Cymru wedi bod ar ei hol hi, bydda i’n parhau i’w herio pan mae hyn yn wir.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn