6,000 o wlâu newydd mewn ysbytai maes

Diweddarwyd  

Bydd dros 6,000 o wlâu ychwanegol ar gael mewn ysbytai maes mewn canolfanau hamdden a stadiymau yng Nghymru.

Dywedodd prif weithredwr GIG Cymru, Dr Andrew Goodwall wrth gynhadledd i’r wasg yng Nghaerdydd ei fod yn disgwyl pwysau “sylweddol” ar y gwasnaeth iechyd yn sgil y coronafeirws.

Bydd dwy fil o wlâu ar gael yn Stadwim Principality yng Nghaerdydd, dros 350 ym Mharc y Scarlets yn Llanelli, a nifer tebyg yn Venue Cymru yn Llandudno.

Daeth cyhoeddiad gan Iechyd Cyhoeddus Cymru heddiw (dydd Iau, Ebrill 2) bod 19 person arall wedi marw o’r feirws, gan ddod a’r cyfanswm i 117.

Mae 284 o achosion newydd wedi profi’n bositif am coronafeirws, sy’n golygu bod yna 2,121 o achosion yng Nghymru, er bod y gwir ffigwr yn debygol o fod dipyn yn uwch.

Dywed Dr Andrew Goodwall bod 573 o gleifion yn dioddef o’r feirws, a bod yno 399 o achosion dan amheuaeth mewn ysbytai yng Nghymru.

Disgrifiodd y sefyllfa fel “cyfnod anghyffredin” i’r Gwasanaeth Iechyd Gwladol gan frolio staff am eu hymateb “gwych.”

Mae ysbytai preifat yng Nghymru wedi cytuno i ddarparu 152 o wlâu ychwanegol, yn ogystal â chyfleusterau megis theatrau llawdriniaeth a chefnogaeth ddiagnostig.

Mae’r ddarpariaeth gofal dwys ar draws Cymru wedi cael ei gynyddu i 331 o wlâu, gydag oddeutu 55% ohonynt yn wag ar hyn o bryd.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn