Coronafeirws: llai o drais yn y cartref, ond pryderon am gynnydd eto

 

Llun: CC0.

Mae Heddlu Dyfed-Powys yn cynnig cyngor a chefnogaeth i bobol sydd mewn perygl o drais yn y cartref yn sgil mesurau llym i fynd i’r afael â’r coronafeirws.

Mae’r heddlu’n dweud bod llai o drais yn y cartref wedi’i adrodd ers i’r gwarchae (lockdown) ac ymbellháu cymdeithasol ddod i rym, ond maen nhw’n gofidio y gallai ofnau pobol a straen yn sgil y feirws roi pobol sy’n cyd-fyw â nhw mewn perygl.

Ymhlith pryderon mwyaf pobol yn ystod y feirws mae arian, ysgolion yn cau, gweithio o adref a newidiadau ym mhatrwm bywyd o ddydd i ddydd yn y cartref ac mae’r rhain i gyd yn gwneud achosion o drais yn y cartref yn fwy tebygol.

Sut i adrodd am droseddau

Yn ystod y flwyddyn ddiwethaf, derbyniodd yr heddlu oddeutu 180 o adroddiadau am drais yn y cartref bob wythnos, ond dim ond 110 o achosion gafodd eu hadrodd yn ystod yr wythnos hyd at ddydd Sul (Mawrth 29), ac mae hynny’n ostyngiad o 39%.

Ond mae’r heddlu’n gofidio am bobol sy’n teimlo nad oes modd iddyn nhw adrodd am achosion.

Maen nhw’n cynghori pobol i ffonio 999 mewn argyfwng, neu mae modd pwyso 55 ar ffôn i roi gwybod nad yw’n ddiogel iddyn nhw siarad, a chaiff galwadau o’r fath eu trosglwyddo i’r heddlu fel bod modd gwrando ar unrhyw sŵn yn y cefndir ac ymateb i’r alwad.

Ac mae’r heddlu’n dweud y byddan nhw’n ymateb i alwadau yn yr un modd ag arfer er gwaetha’r feirws.

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn