Coronafeirws: Heddlu’n ceryddu Stephen Kinnock am ymweld â’i dad

Diweddarwyd  

Mae Stephen Kinnock, Aelod Seneddol Llafur Aberafan, wedi cael ei geryddu gan Heddlu’r De am deithio i dŷ ei dad, yr Arglwydd Neil Kinnock.

Daw hyn ar ôl iddo drydar bod ei dad yn dathlu ei ben-blwydd yn 78 oed, a’i fod e a’i wraig Helle Thorning-Schmidt, prif weinidog Denmarc, wedi ymweld â’i rieni.

Yn sgil y coronafeirws, mae pobol yn cael eu gorchymyn i osgoi teithio oni bai bod rhaid ac mae’r rheolau wedi’u rhoi ar frig tudalen Twitter Stephen Kinnock.

“Aeth @HelleThorning_S [ei wraig] a fi ag ambell i gadair draw, ac eistedd yn eu gardd ffrynt ar gyfer dathliad o bellter. Fel rydych chi’n ei wneud. Pen-blwydd hapus, mêt,” meddai’r neges ar Twitter.

‘Ddim yn deithio hanfodol’

Yn ôl Heddlu’r De, wrth iddyn nhw ymateb i’r neges, doedd pen-blwydd ei dad ddim yn cyfri fel rheswm “hanfodol” ar gyfer teithio.

“Helo @SKinnock,” meddai’r neges gan yr heddlu.

“Rydyn ni’n gwybod fod dathlu pen-blwydd eich tad yn beth hyfryd i’w wneud, fodd bynnag nid yw hyn yn deithio hanfodol.

“Mae gennym oll ran i’w chwarae yn hyn, rydym yn eich annog i gydymffurfio â chyfyngiadau @GOVUK, maen nhw yn eu lle i’n cadw ni’n ddiogel. Diolch.”

Cyfiawnhad

Ond wrth gyfiawnhau’r daith, dywed Stephen Kinnock ei fod e’n “gollwng nwyddau hanfodol” i’w rieni.

“Ro’n i’n teimlo bod hon yn daith hanfodol gan fod rhaid i fi ollwng nwyddau hanfodol i’m rhieni,” meddai wrth ymateb i’r cerydd.

“Fe wnes i aros yn ddigon hir i ganu Pen-blwydd Hapus i Dad, ac wedyn i ffwrdd â fi.

“Cofion, Stephen.”

Erthyglau perthnasol

Sylwadau

Nid yw Golwg360 yn gyfrifol am y sylwadau isod nac o angenrheidrwydd yn cytuno â nhw.

Rheolau Cyfrannu | Nodi Camddefnydd

Rheolau Cyfrannu

Gofynnwn yn garedig i ddarllenwyr wneud defnydd doeth o’r gwasanaeth sylwadau – ni ddylid ymosod ar unigolion na chynnwys unrhyw sylwadau a all fod yn enllibus. Meddyliwch cyn teipio os gwelwch yn dda.

Er mwyn cael trafodaeth dda, gofynnwn i chi ddefnyddio eich enw go iawn a pheidio â chuddio y tu ôl i ffugenwau.

Gofynwn yn garedig i bawb ddarllen canllawiau Cyfrannu i elfennau rhyngweithiol Golwg360 yn ofalus cyn gadael sylwadau ar y gwasanaeth.

Iawn

Nodi Camddefnydd

Os ydych chi’n credu bod y neges yma’n torri rheolau’r wefan, cliciwch ar y faner nodi camddefnydd sy’n ymddangos wrth sgrolio dros unrhyw sylwad. Os bydd tri pherson yn anhapus, bydd y neges yn dod yn ôl at Golwg360 i’w ddilysu.

Iawn